గుజరాత్, రాజస్థాన్ లలో బీజేపీ క్లీన్ స్వీప్

గాంధీనగర్/జైపూర్: దేశవ్యాప్తంగా బీజేపీ ప్రభంజనం సృష్టించింది. బీజేపీ ప్రధాని అభ్యర్థి నరేంద్ర మోడీ సొంత రాష్ట్రం గుజరాత్ కాషాయ పార్టీ క్లీన్ స్వీప్ చేసింది. గుజరాత్లో ఉన్న 26 ఎంపీ స్థానాలను బీజేపీ కైవసం చేసుకుంది. బీజేపీ అధికారం ఉన్న రాష్ట్రాల్లో అత్యధిక ఎంపీ సీట్లను గెల్చుకుంది.

రాజస్థాన్లోనూ బీజేపీ విజయదుందుబి మోగించింది. రాజస్థాన్ లోని 25 లోక్సభ స్థానాలనూ బీజేపీ గెల్చుకుంది. మధ్యప్రదేశ్ లోనూ కమలం వికసించింది. మధ్యప్రదేశ్ లో 29 ఎంపీ సీట్లు ఉండగా 25 స్థానాల్లో బీజేపీ విజయం సాధించింది. కాంగ్రెస్ 4 స్థానాలు గెల్చుకుంది. ఛత్తీస్గఢ్ లో 11 లోక్సభ స్థానాలకు గానూ బీజేపీ 9, కాంగ్రెస్ 2 గెల్చుకున్నాయి.