క్రీడలతో స్నేహ సంబంధాలు మెరుగు

నంద్యాల:  క్రీడలతో స్నేహ సంబంధాలు మెరుగవుతాయని శ్రీశైలం ప్రాజెక్టు  స్పెషల్‌ డిప్యూటీ కలెక్టర్‌ ఎంవీ సుబ్బారెడ్డి చెప్పారు. గురురాజ ఇంగ్లిష్‌ మీడియం స్కూల్‌ మైదానంలో జిల్లా స్థాయి త్రోబాల్‌ టోర్నమెంట్‌ను శుక్రవారం ఆయన ప్రారంభించారు. అనంతరం పెద్దిరెడ్డి తిమ్మారెడ్డి కాంస్య విగ్రహానికి విజిలెన్స్‌ ఎన్‌ఫోర్స్‌మెంట్‌ కమిషనర్‌ నాగనరసింహులు,  గురురాఘవేంద్ర విద్యాసంస్థల చైర్మన్‌ దస్తగిరిరెడ్డి, జిల్లా ఒలింపిక్‌ సంఘం చైర్మన్‌ డాక్టర్‌ రవికృష్ణ, బాల్‌ బ్యాడ్మింటన్‌ సంఘం జిల్లా అధ్యక్షుడు చిన్నపురెడ్డి తదితరులు  పూలమాలలు వేసి నివాళులర్పించారు.