ఓపెన్‌ డిగ్రీ ప్రవేశానికి 26న అర్హత పరీక్ష

అనంతపురం ఎడ్యుకేషన్‌ : డాక్టర్‌ బీఆర్‌ అంబేడ్కర్‌ సార్వత్రిక విశ్వ విద్యాలయం (ఓపెన్‌ యూనివర్సిటీ) ద్వారా డిగ్రీ కోర్సులు బీఏ, బీకాం, బీఎస్సీ మొదటి సంవత్సరం ప్రవేశానికి ఈ నెల 26న అర్హత పరీక్ష నిర్వహిస్తున్నట్లు అనంతపురంలోని ఆర్ట్స్‌ కళాశాల అధ్యయన కేంద్రం కో ఆర్డినేటర్‌ డాక్టర్‌ ఎన్‌. రంగస్వామి ఓ ప్రకటనలో తెలిపారు. ఉదయం 10 నుంచి మధ్యాహ్నం 12.30 గంటల వరకు పరీక్ష ఉంటుందని వివరించారు. రాయదుర్గం, కదిరి, తాడిపత్రి, అనంతపురం కేఎస్‌ఎన్‌ ప్రభుత్వ మహిళా కళాశాల అధ్యయన కేంద్రాల విద్యార్థులకు ఆర్ట్స్‌ కళాశాలలో పరీక్ష ఉంటుందని పేర్కొన్నారు.