కారు ఢీకొని ఆటో డ్రైవర్‌ మృతి.. విద్యార్థులకు గాయాలు

Road Accident In Chittoor Auto Driver Died And 6 Students Injured - Sakshi

సాక్షి, రొంపిచెర్ల(చిత్తూరు) : మితిమీరిన వేగంతో వెళ్తున్న కారు నిలిపి ఉన్న ఆటోను ఢీకొనడంతో ఆటోడ్రైవర్‌ దుర్మరణం చెందాడు. ఆరుగురు విద్యార్థులు తీవ్రంగా గాయపడ్డారు. గురువారం ఈ ఘటన మండలంలోని పెద్దగొట్టిగల్లు సమీపాన చోటుచేసుకుంది. ఎస్‌ఐ నాగేశ్వరరావు కథనం.. రొంపిచెర్ల క్రాస్‌ రోడ్డులో ఉన్న ప్రైవేటు పాఠశాలకు చెందిన విద్యార్థులు నిత్యం పెద్దగొట్టిగల్లు నుంచి ఆటోలో స్కూలుకు వచ్చి వెళ్తూంటారు. ఈ నేపథ్యంలో గురువారం సాయంత్రం స్కూలు నుంచి ఆటోలో పెద్దగొట్టిగల్లుకు వెళుతూ ప్రమాదానికి గురయ్యారు. దండపాణి మామిడి తోట సమీపంలో రోడ్డు పక్కనే ఆటోను నిలిపి విద్యార్థులకు దించుతుండగా తమిళనాడు రాష్ట్రం తిరుత్తణికి చెందిన కారు  తిరుపతి నుంచి పీలేరు వైపు వెళుతూ మితిమీరిన వేగంతో ఆటోను ఢీకొంది.

ఈ దుర్ఘటనలో చరణ్‌(4), మోహన్‌(5), ముని శశికుమార్‌(5), తరుణ్‌రెడ్డి(5), సాయి చరణ్‌ (5), భవ్యశ్రీ (5)కు గాయాలయ్యాయి. అలాగే   ముత్యాలమ్మ గుడివీధికి చెందిన ఆటో డ్రైవర్‌ మస్తాన్‌(48) తీవ్రంగా గాయపడ్డాడు. వీరందరినీ 108లో పీలేరు ప్రభుత్వ ఆస్పత్రికి తరలించారు. అక్కడ వైద్యులు పరీక్షలు చేసి మేరుగైన చికిత్స కోసం ముగ్గురు సాయి చరణ్, భవ్యశ్రీ, తరుణ్‌రెడ్డిని  తిరుపతి రుయా ఆస్పత్రికి తరలించారు. చికిత్స పొందుతూ ఆటోడ్రైవర్‌ కన్నుమూశాడు. కాగా, ప్రమాదానికి కారకుడైన కారు డ్రైవర్‌ గోపి భాస్కర్‌ను సంఘటన స్థలంలో పిల్లల తల్లిదండ్రులు చితకబాదారు. వారిని శాంతింపజేసి పోలీసులు అతడిని అదుపులోకి తీసుకున్నారు. కేసు నమోదు చేశారు.

Read latest Crime News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top