మహిళ కోసం గొడవ, మాజీ భర్త హత్య

Men Fighting For Woman in Karnataka And Killed - Sakshi

కర్ణాటక, శివాజీనగర : భార్య కోసం ఇద్దరు భర్తల మధ్య జరిగిన గొడవ మొదటి భర్త హత్యకు దారితీసిన ఘటన దేవరజీవనహళ్లి (డీజే) వద్ద కావలభైరసంద్రలో చోటు చేసుకుంది. కావలభైరసంద్రకు చెందిన ఇర్ఫాన్‌ (30)ను హత్య చేసిన ఆటో డ్రైవర్‌ తౌసిఫ్‌ను డీజే.హళ్లి పోలీసులు అరెస్టు చేసినట్లు డీసీపీ ఎస్‌.డీ.శరణప్ప తెలిపారు. మాంసం విక్రయించే ఇర్ఫాన్‌ నాలుగు సంవత్సరాల క్రితం ఇలోపర్‌ భానును వివాహం చేసుకున్నాడు. మద్యం వ్యవసనం ఉన్న ఇర్ఫాన్‌ భార్యతో తరుచూ గొడవపడుతూ వేధించేవాడు.

దీంతో విసుగెత్తిన ఇలోపర్‌ భాను ఇర్ఫాన్‌ను విడచిపెట్టి కొన్ని నెలల క్రితం ఆటో డ్రైవర్‌గా ఉన్న తౌసిఫ్‌ ను వివాహం చేసుకుంది. అయినా ఆమెను విడచిపెట్టకుండా మాజీ భర్త ఇర్ఫాన్‌ అప్పుడప్పుడు భార్య ఇంటికి వెళ్లి గొడవపడుతుండేవారు. పలుసార్లు ఇలోపర్‌ భాను, తౌసిఫ్‌ నచ్చచెప్పినా కూడా ఇర్ఫాన్‌ తన వైఖరిని మార్చుకోలేదు. తాగిన మత్తులో బుధవారం రాత్రి తన భార్య, ఆమె రెండో భర్త ఉన్నపుడు వెళ్లి గొడవపడ్డాడు. దీంతో ఆవేశానికి గురైన తౌసిఫ్‌ మొదటి భర్త ఇర్ఫాన్‌ రొమ్ముపై చాకుతో పొడచి హత్య చేశాడు. సమాచారం తెలియగానే తక్షణమే స్థలానికి చేరుకున్న డీజే.హళ్లి పోలీసులు కేసు నమోదు చేసుకొని నిందితుడు తౌసిఫ్‌ను అరెస్టు చేశారు.

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top