మరోసారి మీడియాపై మాల్యా దాడి

లండన్ : బ్యాంకులకు వేలకోట్లు ఎగనామం పెట్టి యూకేలో దర్జాగా బతుకుతున్న విజయ్ మాల్యా మరోసారి మీడియాపై నిప్పులు చెలరేగారు. భారత మీడియా తనకు వ్యతిరేకంగా తీవ్రమైన దుష్ఫ్రచారం చేస్తుందంటూ  బుధవారం ఉదయం ఓ ట్వీట్ చేశారు. ఎలాంటి హద్దులు లేకుండా తనకు వ్యతిరేకంగా మీడియా ప్రచారం చేస్తుందన్నారు. ఇప్పటికే పలుమార్లు మీడియాపై మండిపడిన సంగతి తెలిసిందే. మాల్యాను భారత్ కు అప్పగించే కేసుపై నిన్ననే లండన్‌ లోని వెస్ట్‌ మినిస్టర్‌ కోర్టులో విచారణ జరిగింది. విచారణకు వెళ్లే ముందు కూడా తాను నిర్దోషినంటూ చెప్పుకొచ్చారు. కానీ విచారణ ప్రారంభమైన కొద్ది సేపటికే జూలై 6కు వాయిదాపడింది. మాల్యా బెయిల్ ను కూడా యూకే కోర్టు డిసెంబర్ వరకు పొడిగించింది.