భారత్ రేటింగ్ యథాతథం: ఫిచ్ | Fitch retains India's rating at lowest investment grade | Sakshi
Sakshi News home page

భారత్ రేటింగ్ యథాతథం: ఫిచ్

Dec 15 2015 1:43 AM | Updated on Apr 4 2019 5:41 PM

భారత్ రేటింగ్ యథాతథం: ఫిచ్ - Sakshi

భారత్ రేటింగ్ యథాతథం: ఫిచ్

అమెరికాలో వడ్డీ రేట్ల పెరుగుదల, డాలర్ బలపడటం, కమోడిటీల రేట్లు తగ్గడం తదితర పరిణామాలతో..

అధిక వృద్ధి కొనసాగుతుంది..

న్యూఢిల్లీ: అమెరికాలో వడ్డీ రేట్ల పెరుగుదల, డాలర్ బలపడటం, కమోడిటీల రేట్లు తగ్గడం తదితర పరిణామాలతో ఆసియా పసిఫిక్ ప్రాంత దేశాల వృద్ధి ఒక మోస్తరుగానే ఉన్నా.. భారత్ మాత్రం అధిక వృద్ధి సాధించడం కొనసాగుతుందని రేటింగ్ ఏజెన్సీ ఫిచ్ తెలిపింది. ఈ నేపథ్యంలో భారత్‌కి ప్రస్తుతం స్థిరమైన అవుట్‌లుక్‌తో ఇచ్చిన బీబీబీ మైనస్ రేటింగ్‌ను యథాతథంగా కొనసాగిస్తున్నట్లు వివరించింది. ఇది పెట్టుబడులకు అత్యంత కనిష్ట స్థాయిని సూచిస్తుంది.

‘వర్ధమాన ఆసియా దేశాల అంచనాలు 2016’ నివేదికలో ఫిచ్ ఈ విషయాలు పేర్కొంది. అయితే, ప్రభుత్వ ఖజానాపరమైన బలహీనతల కారణంగా భారత్‌కు మరింత సానుకూల రేటింగ్స్ ఇవ్వలేకపోతున్నామని వివరించింది. చైనాలో మందగమన ప్రభావంతో వచ్చే ఏడాది వర్ధమాన ఆసియా వృద్ధి 6.5% నుంచి 6.3%కి తగ్గవచ్చని ఫిచ్ అంచనా వేసింది. ఇక, అమెరికాలో వడ్డీ రేట్ల పెరుగుదల, అంతర్జాతీయంగా వాణిజ్య మందగమనం తదితర అంశాలు 2016లో వర్ధమాన ఆసియా దేశాలకు సవాలుగా నిల్చే అవకాశం ఉందని పేర్కొంది.

Advertisement

Related News By Category

Related News By Tags

Advertisement
 
Advertisement

పోల్

Advertisement