సుజనా పేరు సిఫారసు చేశా

కేంద్ర మంత్రి పదవిపై చంద్రబాబు

హైదరాబాద్: టీడీపీ తరఫున పార్టీ పార్లమెంటరీ పార్టీ నేత వై.సత్యనారాయణ చౌదరి (సుజనా) ఆదివారం కేంద్ర మంత్రిగా ప్రమాణ స్వీకారం చేయనున్నారు. శనివారం తన నివాసంలో విలేకరులతో మాట్లాడుతూ సీఎం చంద్రబాబు ఈ విషయం వెల్లడించారు. విస్తరణ గురించి ప్రధాని నరేంద్రమోదీ తనకు ఫోన్ చేశారని తెలిపారు. ఒక సహాయ మంత్రి పదవి ఇస్తామని చెప్పారని, ఆ పదవికి సుజనా  పేరు సిఫారసు చేశానన్నారు.మరోసారి అవకాశం వస్తే  తెలంగాణకు కేటాయిస్తామని చెప్పారు.

పీఎంఓ నుంచి ఫోన్ వచ్చింది: సుజనా

చంద్రబాబుతో శనివారమిక్కడ సుజనా చౌదరి భేటీ అయ్యారు. విలేకరులతో మాట్లాడుతూ ఇది మర్యాదపూర్వక భేటీయేనన్నారు. ప్రధానమంత్రి కార్యాలయం(పీఎంఓ) నుంచి తనకు ఫోన్ వచ్చిందని తెలిపారు.