పంచాయతీ రాజ్ ఉద్యోగుల రక్తదానం

ఒంగోలు టౌన్, న్యూస్‌లైన్ : సమైక్యాంధ్ర ఉద్యమానికి మద్దతుగా పంచాయతీరాజ్ మినిస్టీరియల్ ఉద్యోగుల సంఘం ఆధ్వర్యంలో స్థానిక కలెక్టరేట్ ఎదుట సోమవారం రక్తదాన శిబిరం నిర్వహించారు. ఈ సందర్భంగా దాదాపు 50 మంది ఉద్యోగులు రక్తదానం చేసి రాష్ట్ర విభజనపై తమ నిరసనను తెలియజేశారు. కేంద్రం దిగివచ్చి సమైక్యాంధ్ర ప్రకటన చేయాలని డిమాండ్ చేశారు. ఉద్యమాన్ని మరింత ముందుకు తీసుకె ళ్తామని ప్రకటించారు. కార్యక్రమంలో జెడ్పీ సీఈఓ గంగాధర్‌గౌడ్, జిల్లా పంచాయతీ అధికారిణి శ్రీదేవి, ఎన్‌జీఓ అసోసియేషన్ జిల్లా అధ్యక్షుడు అబ్దుల్‌బషీర్, డివిజనల్ పంచాయతీ అధికారి కృష్ణమోహన్, కేఎల్ నరశింహారావు, శరత్, సంఘ చైర్మన్ రాజశేఖర్, కార్యదర్శి శ్యామ్, రెడ్ క్రాస్ డాక్టర్ చలమయ్య తదితరులు పాల్గొన్నారు.