వారిపై కేసులు నమోదు చేయండి

సాక్షి, హైదరాబాద్‌: సంక్రాంతి సందర్భంగా కోడి పందేలు నిర్వహించిన టీడీపీ ఎమ్మెల్యే సత్యప్రసాద్, ఎమ్మెల్సీ అన్నం సతీష్‌ ప్రభాకర్, మాజీ ఎమ్మెల్యేలు దేవినేని మల్లికార్జునరావు, ముమ్మనేని వెంకట సుబ్బయ్యలపై  కేసులు నమోదు చేయాలని హైకోర్టు చెరుకుపల్లి పోలీసులను ఆదేశించింద

ఈ మేరకు తాత్కాలిక ప్రధాన న్యాయమూర్తి (ఏసీజే) జస్టిస్‌ రమేశ్‌ రంగనాథన్, న్యాయమూర్తి జస్టిస్‌ కొంగర విజయలక్ష్మిలతో కూడిన ధర్మాసనం బుధవారం ఉత్తర్వులిచ్చింది. టీడీపీ నేతలపై ఫిర్యాదు చేసినా పోలీసులు పట్టించుకోవడం లేదంటూ దాఖలైన మరో పిటిషన్‌పై కూడా ధర్మాసనం స్పందించింది. ఈ వ్యాజ్యంలో ప్రతివాదులుగా ఉన్న ప్రజాప్రతినిధులపై ఫిర్యాదు చేసినా పోలీసులు పట్టించుకోలేదని, కేసు నమోదు చేసేలా ఆదేశాలు జారీ చేయాలంటూ  న్యాయవాది భానుప్రకాశ్‌ పిటిషన్‌ దాఖలు చేసిన విషయం తెలిసిందే.