TV
ఒంగోలు పట్టణంలో భారీగా నకిలీ డీజిల్ను విజిలెన్స్ అధికారులు ఆదివారం స్వాధీనం చేసుకున్నారు.
ఒంగోలు : ప్రకాశం జిల్లా ఒంగోలు మండలం త్రోవగుంటలో భారీగా నకిలీ డీజిల్ను విజిలెన్స్ అధికారులు ఆదివారం స్వాధీనం చేసుకున్నారు. గ్రామంలోని గోదాములో భారీగా నకిలీ డీజిల్ ఉన్నట్లు పోలీసులకు సమాచారం అందింది. దీంతో సదరు ప్రాంతానికి చేరుకున్న పోలీసులు గోదాము తాళాలు పగులకొట్టి తనిఖీలు నిర్వహించారు. ఈ సందర్భంగా 10 వేల లీటర్ల కల్తీ డీజిల్ను పోలీసులు స్వాధీనం చేసుకున్నారు. అయితే నిందితులు పరారీలో ఉన్నారని పోలీసులు చెప్పారు. గోదాము యజమాని కోసం పోలీసులు ఆరా తీస్తున్నారు.
