కాంట్రాక్టర్ దారుణ హత్య

 

 అయితే సిద్దిపేటలోని సైట్‌లో వాటర్ పైప్‌లైన్ పగలడంతో మరమ్మతులకు సంబంధించిన వస్తువులు కొనుగోలు చేసేందుకు గురువారం సాయంత్రం ఆరు గంటల సమయంలో ఇంటి నుంచి తన బొలేరో(ఏపీ 23 ఎస్ 3232) వాహనంలో బయలుదేరాడు. రాత్రి 8 గంటలకు భార్య ఇద్దమ్మకు ఫోన్ చేసి సామగ్రితో సిద్దిపేటకు వెళుతున్నానని, రెండు రోజుల్లో తిరిగి వస్తానని చెప్పాడు. ఇదిలా ఉండగా.. స్థానికులు శుక్రవారం ఉదయం 6 గంటలకు బొలే రో వాహనంలో వ్యక్తి మరణించి ఉన్నాడని పోలీసు కంట్రోల్ రూంకు ఫోన్ చేసి చెప్పారు. సంఘటనా స్థలాన్ని డీఎస్‌పీ మధుసూదన్‌రెడ్డి, క్లూస్ టీమ్‌లు పరిశీలించారు. పాత కక్షల కారణంగానే తమ బంధువులే నా భర్తను హత్య చేసి ఉంటారని మృతుడి భార్య ఇద్దమ్మ ఆరోపించారు. మా నాన్న చనిపోలేదని, బతి కే ఉంటాడు అంటూ కూతుళ్లు నాగలక్ష్మి, నాగజ్యోతి, కుమారుడు నాగరాజు విలపించడం కలిచివేసింది. హన్మంతు భార్య ఇద్దమ్మ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని సీఐ శ్రీనివాస్ తెలిపారు.