'మత్తయ్య కాల్డేటా వివరాలు ఇవ్వండి'

ఓటుకు కోట్లు కేసులో ఎ-4 నిందితుడిగా ఉన్న మత్తయ్య కాల్డేటా వివరాలు కావాలని ఆంధ్రప్రదేశ్ సీఐడీ విభాగం కోర్టు ద్వారా కోరింది. దాంతో, మత్తయ్య కాల్ డేటా వివరాలను సీఐడీకి ఇవ్వాలని టెలికాం ఆపరేటర్లకు విజయవాడ కోర్టు ఆదేశాలిచ్చింది.

రిలయన్స్, ఎయిర్టెల్, ఐడియా టెలికాం ఆపరేటర్లకు విజయవాడ కోర్టు నుంచి నోటీసులు వెళ్లాయి. విజయవాడ మూడో చీఫ్ మెట్రోపాలిటన్ కోర్టు నోటీసులు జారీ చేసింది. మే 1 నుంచి జూన్ 20వ తేదీ వరకు మత్తయ్య కాల్ డేటా వివరాలను సీఐడీ విభాగానికి ఇవ్వాలని ఆయా ఆపరేటర్లను విజయవాడ కోర్టు ఆదేశించింది.