TV
బండి సంజయ్‌పై వ్యక్తిగత దూషణలు చేస్తే సహించం
● బీజేపీ హనుమకొండ జిల్లా అధ్యక్షుడు కొలను సంతోశ్‌రెడ్డి
హన్మకొండ: కేంద్ర మంత్రి బండి సంజయ్‌కుమార్‌పై వ్యక్తిగత దూషణలు చేస్తే సహించేది లేదని బీజేపీ హనుమకొండ జిల్లా అధ్యక్షుడు కొలను సంతోశ్‌రెడ్డి అన్నారు. గురువారం హనుమకొండ దీన్‌దయాళ్‌ నగర్‌లోని బీజేపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. ఎమ్మెల్యే నాయిని రాజేందర్‌రెడ్డి మంత్రి బండి సంజయ్‌కుమార్‌ను విమర్శించడాన్ని ఆయన తీవ్రంగా ఖండించారు. ఎన్నికల ముందు ఏదో ఒక రాగం ఎత్తుకునే రాహుల్‌ గాంధీ బిహార్‌ ఎన్నికల ముందు ఓటు చోరీ అంటూ దుష్ప్రచారం చేస్తున్నారని, ఓటు చోరి జరిగితే రాష్ట్రంలో కాంగ్రెస్‌ ఎలా అధికారంలోకి వస్తుందని ప్రశ్నించారు. ఎమ్మెల్యే నాయిని రాజేందర్‌ రెడ్డికి స్థాయికి మించి మాట్లాడుతున్నారన్నారు. సమావేశంలో బీజేపీ రాష్ట్ర కార్యవర్గ సభ్యుడు రావుల కిషన్‌, కార్పొరేటర్లు రావుల కోమల, గుజ్జుల వసంత, నాయకులు సండ్ర మధు, గుజ్జుల మహేందర్‌రెడ్డి, శేషగిరి రావు, వేణు, శ్రావణ్‌, కుమారరాజు పాల్గొన్నారు.
