కేసీఆర్‌ కీలక నిర్ణయం​.. హరీష్‌రావుకు మరో శాఖ..

Harish Rao Appointed As Telangana Health Minister - Sakshi

హరీశ్‌కు ఆరోగ్యశాఖ

అదనపు బాధ్యతలు అప్పగించిన ప్రభుత్వం

సాక్షి, హైదరాబాద్‌: ఆర్థిక మంత్రి హరీశ్‌ రావుకు వైద్యారోగ్య శాఖను అదనంగా అప్పగించారు. ఈ మేరకు సీఎస్‌ సోమేశ్‌కుమార్‌ మంగళవారం ఉత్తర్వులు జారీ చేశారు. అప్పట్లో వైద్యారోగ్యశాఖ బాధ్యతలు చూసిన ఈటల రాజేందర్‌పై భూకబ్జా ఆరోపణలు రావడంతో ఆయనను ముఖ్యమంత్రి కేసీఆర్‌ మంత్రివర్గం నుంచి బర్తరఫ్‌ చేసిన సంగతి తెలిసిందే. ఆ తరువాత వైద్యారోగ్య శాఖను సీఎం తన వద్దనే అట్టిపెట్టుకున్నారు. 

హుజూరాబాద్‌ ఉపఎన్నిక సమయంలో ఈటల పలు సభల్లో మాట్లాడుతూ ‘మున్ముందు హరీశ్‌రావుకు కూడా నాకు జరిగిన విధంగానే జరుగుతుంది’ అని ప్రచారం చేశారు. కాగా, ఈ ఆరోపణలను అబద్ధం చేస్తూ హరీశ్‌రావుకు కీలకమైన వైద్యారోగ్య శాఖను అప్పగిస్తూ ఉత్తర్వులు జారీ అయ్యాయి. కొత్త వైద్య కళాశాలలు, ఆసుపత్రుల నిర్మాణంతో వైద్య రంగానికి కొత్తరూపునివ్వాలని ముఖ్యమంత్రి నిర్ణయించిన నేపథ్యంలో.. వైద్యారోగ్య శాఖను హరీశ్‌రావుకు అదనపు బాధ్యతగా అప్పగించడం గమనార్హం.  

చదవండి: (కేసీఆర్‌కు కలిసి రాని ముహూర్తం.. విజ‌య‌ గర్జన స‌భ మళ్లీ వాయిదా..)

Read latest Telangana News and Telugu News | Follow us on FaceBook, Twitter, Telegram



 

Read also in:
Back to Top