మలేసియా మాస్టర్స్‌లో భారత్‌కు నిరాశాజనక ఫలితాలు

మలేసియా మాస్టర్స్‌ బ్యాడ్మింటన్‌ టోర్నీలో తొలి రోజు భారత్‌కు నిరాశాజనక ఫలితాలు ఎదురయ్యాయి. మహిళల డబుల్స్‌ తొలి రౌండ్‌లో పుల్లెల గాయత్రి–ట్రెసా జాలీ ద్వయం 14–21, 14–21తో పియర్లీ టాన్‌–తినా (మలేసియా) జంట చేతిలో ఓడిపోయింది. భారత్‌కే చెందిన అశ్విని–శిఖా; దండు పూజ–ఆరతి జోడీలు కూడా తొలి రౌండ్‌లోనే ఓడిపోయాయి. మహిళల సింగిల్స్‌ తొలి రౌండ్‌లో మాళవిక 10–21, 17–21తో గో జిన్‌ వె (మలేసియా) చేతిలో ఓటమి పాలైంది.