Sky Brown, Kokona Hiraki:12 ఏళ్ల వయసులో ఒలింపిక్స్‌కు...

A pair of 12-year-olds qualify for Olympic skateboarding - Sakshi

టోక్యో క్రీడలకు అర్హత సాధించిన స్కేటర్లు

లాసానే: బ్రిటన్‌కు చెందిన స్కై బ్రౌన్‌... జపాన్‌కు చెందిన కొకొనా హిరాకరి...వీరిద్దరి వయసు 12 ఏళ్లు. బ్రౌన్‌కంటే హిరాకరి 45 రోజులు పెద్దది! ఇప్పుడు ఈ ఇద్దరు చిన్నారులు అరుదైన ఘనత సాధించారు. టోక్యో ఒలింపిక్స్‌లో స్కేట్‌ బోర్డింగ్‌ ఈవెంట్‌కు వీరిద్దరు క్వాలిఫై అయ్యారు. మెగా ఈవెంట్‌కు అర్హత సాధించిన 80 మందితో  బుధవారం విడుదల చేసిన జాబితాలో వీరిద్దరికి చోటు దక్కింది. ‘స్కేట్‌ బోర్డింగ్‌’కు తొలి సారి ఒలింపిక్స్‌లో అవకాశం కల్పించారు.  వీరిలో బ్రౌన్‌కు మరో ఆసక్తికర నేపథ్యం ఉంది. 2019 వరల్డ్‌ చాంపియన్‌షిప్‌లో ఆమె కాంస్యం సాధించింది. ఏడాది క్రితం జరిగిన మరో ఈవెంట్‌లో అనూహ్యంగా పట్టు తప్పడంతో బ్రౌన్‌ తలకు తీవ్ర గాయాలయ్యాయి. అయితే శస్త్రచికిత్స అనంతరం కోలుకొని ఆమె మళ్లీ బరిలోకి దిగడం విశేషం.

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top