బంగ్లాదేశ్‌ 294/8

Bangladesh reach 294 for 8 at stumps - Sakshi

హరారే: జింబాబ్వేతో జరుగుతున్న ఏకైక టెస్టులో బంగ్లాదేశ్‌ బ్యాట్స్‌మెన్‌ లిటన్‌ దాస్‌ (95; 13 ఫోర్లు), కెప్టెన్‌ మోమినుల్‌ హక్‌ (70; 13 ఫోర్లు), మహ్ముదుల్లా (54 బ్యాటింగ్‌; 5 ఫోర్లు) రాణించారు. దీంతో బుధవారం తొలిరోజు ఆట ముగిసే సమయానికి బంగ్లాదేశ్‌ 83 ఓవర్లలో 8 వికెట్ల నష్టానికి 294 పరుగులు చేసింది. ఆరంభంలో 8 పరుగులకే 2 వికెట్లు కోల్పోయిన బంగ్లాను కెప్టెన్‌ హక్‌ ఆదుకున్నాడు. ఆ తర్వాత షకీబ్‌ (3), ముష్ఫికర్‌ (11) నిర్లక్ష్యంతో మళ్లీ బంగ్లా 132 పరుగుల వద్ద 6 వికెట్లను కోల్పోయి కష్టాల్లో పడింది. ఈ దశలో లిటన్, మహ్ముదుల్లా ఏడో వికెట్‌కు 138 పరుగులు జోడించి ఇన్నింగ్స్‌ను చక్కదిద్దారు. ఆట నిలిచే సమయానికి  మహ్ముదుల్లాతో పాటు టస్కిన్‌ అహ్మద్‌ (13 బ్యాటింగ్‌) క్రీజులో ఉన్నారు. ఆతిథ్య జింబాబ్వే బౌలర్లలో ముజరబని 3, టిరిపానో, విక్టర్‌ న్యౌచీ చెరో 2 వికెట్లు పడగొట్టారు.  

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top