రాష్ట్ర స్థాయి పోటీలకు దుబ్బాక విద్యార్థులు

దుబ్బాకటౌన్‌: సిద్దిపేటలో జరిగిన ఉమ్మడి మెదక్‌ జిల్లా స్థాయి ఎస్జీఎఫ్‌ అథ్లెటిక్స్‌ పోటీల్లో దుబ్బాక సాంఘిక సంక్షేమ గురుకుల బాలుర పాఠశాల విద్యార్థులు సత్తా చాటారు. రాష్ట్ర స్థాయి పోటీలకు ఎంపికయ్యారని ప్రిన్సిపాల్‌ సుజాత తెలిపారు. సోమవారం పాఠశాలలో ఆమె మాట్లాడుతూ 9వ తరగతి విద్యార్థి బి.రుషి కుమార్‌ 200మీ. పరుగు, 600మీ. రిలేలో ప్రథమ స్థానం, మరో విద్యార్థి ఎన్‌.స్టీఫెన్‌ డిస్కస్‌ త్రోలో మూడవ స్థానంలో నిలిచారన్నారు. ఈ నెల 10న హన్మకొండలో జరిగే రాష్ట్ర స్థాయి క్రీడల్లో వారు పాల్గొననున్నట్లు తెలిపారు. ఈ సందర్భంగా విద్యార్థులను, పీఈటీ మహేశ్‌ ను ఆమె అభినందించారు.