గ్రేటర్‌ బరి: మేయర్‌ పీఠంపై మహిళ గురి

Tough Fight To Mayor Seat Reserved General Women Category GHMC Elections - Sakshi

జనరల్‌ మహిళకు రిజర్వు కావడంతో గట్టి పోటీ 

టీఆర్‌ఎస్‌లో సుమారు డజను మంది ఔత్సాహికులు

పదవిని ఆశిస్తున్న వారిలో వారసులే ఎక్కువ!

సాక్షి, హైదరాబాద్ ‌: గ్రేటర్‌ హైదరాబాద్‌ మున్సిపల్‌ కార్పొరేషన్‌ ఎన్నికల్లో నామినేషన్ల ప్రక్రియ పూర్తి కావడంతో రాజకీయ పార్టీల అగ్రనేతలు, అభ్యర్థులు ప్రచారంపై దృష్టి సారించారు. గ్రేటర్‌ పీఠాన్ని మరోమారు దక్కించుకుంటామనే ధీమాతో ఉన్న టీఆర్‌ఎస్‌.. అభ్యర్థుల ఖరారు మొదలుకుని, సమన్వయం, ప్రచారం తదితర అంశాల్లో ఇతర పార్టీల కంటే ముందంజలో ఉంది. ప్రస్తుత ఎన్నికల్లో డివిజన్‌ స్థాయి రిజర్వేషన్లలో ఎలాంటి మార్పులు లేనప్పటికీ గ్రేటర్‌ మేయర్‌ పీఠాన్ని మాత్రం జనరల్‌ మహిళా కేటగిరీకి రిజర్వు చేశారు. దీంతో డివిజన్‌ స్థాయిలో విజయం సాధించి, గ్రేటర్‌ మేయర్‌ పీఠాన్ని దక్కించుకునేందుకు టీఆర్‌ఎస్‌లో సుమారు డజను మంది మహిళా నేతలు ఆసక్తి చూపుతున్నారు. అయితే పార్టీలో పలువురు నాయకుల వారసులు మేయర్‌ పీఠాన్ని ఆశిస్తున్నా.. సామాజికవర్గ సమీకరణలు, విధేయత, సమర్థత ఆధారంగా ఎంపిక జరుగుతుందని పార్టీ వర్గాలు చెప్తున్నాయి.

శివారు డివిజన్లకే అవకాశం?
గ్రేటర్‌ హైదరాబాద్‌ మున్సిపల్‌ కార్పొరేషన్‌ పరిధిలోని 150 డివిజన్లు.. 24 శాసనసభ స్థానాల పరిధిలో విస్తరించి ఉన్నాయి. ఇందులో 84 డివిజన్లు శివారు నియోజకవర్గాల పరిధిలో ఉండగా, 66 డివిజన్లు పాత మున్సిపల్‌ కార్పొరేషన్‌ ఆఫ్‌ హైదరాబాద్‌ పరిధిలో ఉన్నాయి. 2016 గ్రేటర్‌ ఎన్నికల్లో శివారు డివిజన్‌ చర్లపల్లి నుంచి గెలుపొందిన బొంతు రామ్మోహన్‌కు మేయర్‌ పీఠం దక్కింది. ఈసారి కూడా నగరం వెలుపల ఉన్న డివిజన్ల వారికే మేయర్‌ పదవి దక్కుతుందనే అభిప్రాయం వ్యక్తమవుతోంది. ఒకవేళ కోర్‌ సిటీ నుంచి ఎన్నికైన వారికి మేయర్‌ పదవి దక్కితే శివారు డివిజన్ల నుంచి డిప్యూటీ మేయర్‌ను ఎంపిక చేసే అవకాశం ఉంది.

వారసుల పోటాపోటీ
ఎన్నికల్లో టీఆర్‌ఎస్‌ సీనియర్‌ రాజకీయ నాయకుల కుటుంబ సభ్యులు కార్పొరేటర్‌ సీట్లను ఆశించినా కొందరికే అవకాశం దక్కింది. మంత్రులు తలసాని శ్రీనివాస్‌యాదవ్, మల్లారెడ్డి, సబితారెడ్డి, డిప్యూటీ స్పీకర్‌ పద్మారావుగౌడ్‌ కుటుంబ సభ్యులు టికెట్లు ఆశించినట్లు ప్రచారం జరిగినా అభ్యర్థుల జాబితాలో చోటు దక్కలేదు. కానీ ఎంపీ, ఎమ్మెల్యేలు, పార్టీ సీనియర్ల కుటుంబాలకు చెందిన సుమారు అరడజను మందికి కార్పొరేటర్లుగా టికెట్‌ దక్కడంతో వారు మేయర్‌ పీఠాన్ని ఆశిస్తున్నట్లు పార్టీ వర్గాలు చెప్తున్నాయి. ప్రస్తుత మేయర్‌ రామ్మోహన్‌ భార్య శ్రీదేవితో పాటు ఎంపీ కె.కేశవరావు, ఎమ్మెల్యేలు బేతి సుభాష్‌రెడ్డి, సాయన్న, దివంగత నేతలు పి.జనార్ధన్‌రెడ్డి, చింతల కనకారెడ్డి, మాజీ ఎమ్మెల్యే తీగల కృష్ణారెడ్డి తదితరుల కుటుంబ సభ్యులు కార్పొరేటర్‌ అభ్యర్థులుగా టీఆర్‌ఎస్‌ నుంచి బరిలోకి దిగారు.

సామాజిక సమీకరణాలు.. విధేయత
గ్రేటర్‌ పీఠం జనరల్‌ మహిళకు కేటాయించిన నేపథ్యంలో ఓసీ సామాజికవర్గానికి చెందిన పలువురు అభ్యర్థులు మేయర్‌ పదవిని ఆశిస్తున్నారు. టికెట్ల కేటాయింపులో రెడ్డి సామాజికవర్గానికి ఏకంగా 31 డివిజన్లు కేటాయించగా, ఇందులో సగానికి పైగా మహిళలు ఉన్నారు. రాష్ట్రంలో రాజకీయ పరిస్థితులను దృష్టిలో పెట్టుకుని ఈ సామాజికవర్గానికి అవకాశం వస్తుందని పార్టీలో అంతర్గతంగా లెక్కలు వేస్తున్నారు. అయితే రాజకీయ వారసులు కాకుండా పార్టీ నాయకత్వం పట్ల 
విధేయులుగా ఉండే వారికే మేయర్‌ పీఠం దక్కే సూచనలు ఉన్నాయని 
కొందరు నేతలు అంటున్నారు.

టీఆర్‌ఎస్‌లో ‘మేయర్‌’ ఔత్సాహికులు
బంజారాహిల్స్‌ డివిజన్‌ నుంచి వరుసగా రెండోసారి పోటీ చేస్తున్న ఎంపీ కె.కేశవరావు కుమార్తె గద్వాల విజయలక్ష్మి, ఖైరతాబాద్‌ డివిజన్‌ నుంచి బరిలో ఉన్న  దివంగత పి.జనార్ధన్‌రెడ్డి కుమార్తె విజయారెడ్డి ఔత్సాహికుల జాబితాలో ఉన్నట్టు చెబుతున్నారు.
ప్రస్తుత మేయర్‌ బొంతు రామ్మోహన్‌ భార్య బొంతు శ్రీదేవి (చర్లపల్లి), ఉప్పల్‌ ఎమ్మెల్యే బేతి సుభాష్‌రెడ్డి భార్య బేతి స్వప్నారెడ్డి (హబ్సిగూడ), కంటోన్మెంట్‌ ఎమ్మెల్యే సాయన్న కూతురు లాస్య నందిత (కవాడిగూడ) కూడా మేయర్‌ రేసులో ఉన్నట్లు సమాచారం.
మాజీ ఎమ్మెల్యే తీగల కృష్ణారెడ్డి కోడలు సుసరితారెడ్డి (మూసారాంబాగ్‌), మరో మాజీ ఎమ్మెల్యే చింతల కనకారెడ్డి కోడలు విజయశాంతి (అల్వాల్‌) ఔత్సాహికుల జాబితాలో ఉన్నారు.
రెండు పర్యాయాలు ఎల్‌బీనగర్‌ అసెంబ్లీ నియోజకవర్గం నుంచి పోటీ చేసిన రామ్మోహన్‌గౌడ్‌ భార్య ముద్దగోని లక్ష్మీప్రసన్నగౌడ్‌ (బీఎన్‌రెడ్డి), టీఆర్‌ఎస్‌ కార్మిక విభాగం నేత మోతె శోభన్‌రెడ్డి భార్య శ్రీలత (తార్నాక) కూడా మేయర్‌ పీఠాన్ని ఆశిస్తున్నట్లు తెలిసింది.
రాజకీయ వారసత్వాన్ని పక్కన పెట్టే పక్షంలో టీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌కు సన్నిహితుడు దుర్గాప్రసాద్‌రెడ్డి భార్య పద్మావతిరెడ్డి, 
ప్రస్తుత హఫీజ్‌పేట్‌ కార్పొరేటర్‌ పూజిత జగదీశ్వర్‌గౌడ్, సీతాఫల్‌మండి కార్పొరేటర్‌ సామల హేమ పేర్లు కూడా తెరమీదకు వచ్చే అవకాశముందని అంటున్నారు. 

Read latest Politics News and Telugu News | Follow us on FaceBook, Twitter

మరిన్ని వార్తలు

26-11-2020
Nov 26, 2020, 01:53 IST
సాక్షి, హైదరాబాద్‌: ఏ రాష్ట్రంలో  ఎన్నికలు వచ్చినా దూరదృష్టితో ప్రణాళికలు రచించే బీజేపీ ఇప్పుడు జీహెచ్‌ఎంసీ ఎన్నికలను ప్రతిష్టాత్మకంగా తీసుకోవడం...
26-11-2020
Nov 26, 2020, 01:40 IST
సాక్షి, హైదరాబాద్‌: తీవ్ర నిరాశ, నిస్పృహలో ఉన్న కొన్ని అరాచక శక్తులు హైదరాబాద్‌ నగరంలో, రాష్ట్రంలో ఘర్షణలు సృష్టించి మత విద్వేషాలు...
26-11-2020
Nov 26, 2020, 01:25 IST
మాటలు కోటలు దాటుతున్నయ్‌; చేతలు మాత్రం గడప దాటని చరిత్ర టీఆర్‌ఎస్‌ ప్రభుత్వానిది. హైదరాబాద్‌ను విశ్వనగరంగా మారుస్తామంటూ గత ఆరేళ్లుగా...
25-11-2020
Nov 25, 2020, 20:53 IST
సాక్షి, హైదరాబాద్‌: దుబ్బాకలో విఫలమైన కాంగ్రెస్‌ పార్టీ జీహెచ్‌ఎంసీ ఎన్నికల్లో దూకుడుగా వ్యవహరిస్తోంది. అగ్ర నాయకులందరూ ప్రచారంలో పాల్గొంటున్నారు. ఈ...
25-11-2020
Nov 25, 2020, 20:48 IST
సాక్షి, హైదరాబాద్‌: గ్రేటర్‌ హైదరాబాద్‌ ఎన్నికలు రసవత్తరంగా మారుతున్నాయి. పోలింగ్‌ సమీపిస్తున్న తరుణంలో పార్టీ నేతల మాటల తూటాలతో హైదరాబాద్‌లో...
25-11-2020
Nov 25, 2020, 20:11 IST
సాక్షి, హైదరాబాద్‌: జీహెచ్‌ఎంసీ ఎన్నికల ప్రచారంలో నాయకులు దూసుకుపోతున్నారు. ఢీ అంటే ఢీ అంటూ పరస్పరం సవాళ్లు విసురుకుంటున్నారు. కేటీఆర్‌...
25-11-2020
Nov 25, 2020, 19:13 IST
గ్రేటర్‌ హైదరాబాద్‌ మున్సిపల్‌ ఎన్నికల నేపథ్యంలో అధికార టీఆర్‌ఎస్‌ పార్టీకి భారీ ఎదురు దెబ్బ తగిలింది.
25-11-2020
Nov 25, 2020, 17:35 IST
సాక్షి, హైదరాబాద్‌: జీహెచ్‌ఎంసీ‌ ఎన్నికలు హిందూ-ముస్లిం ఎజెండాగా మారుతున్నాయన్నారు కాంగ్రెస్‌ పార్టీ సీనియర్‌ నేత వీ హనుమంత రావు. సీనియర్ నాయకుడు,...
25-11-2020
Nov 25, 2020, 16:15 IST
టీఆర్ఎస్‌పై ఎంఐఎం నేత, ఎమ్మెల్యే అక్బరుద్దీన్ ఒవైసీ తీవ్ర వ్యాఖ్యలు చేసిన నేపథ్యంలో ట్విటర్‌లో మంత్రి కేటీఆర్‌ స్పందించారు.
25-11-2020
Nov 25, 2020, 15:42 IST
సాక్షి, హైదరాబాద్‌: ‘జీహెచ్‌ఎంసీ ఎన్నికల్లో మరోసారి టీఆర్‌ఎస్‌ గెలిస్తే ఇంటికో బోటు ఇస్తుంది. దుబ్బాకలో మా గెలుపుకు ప్రధాన కారణం యువత.....
25-11-2020
Nov 25, 2020, 14:50 IST
సాక్షి, హైదరాబాద్‌: గ్రేటర్‌ హైదరాబాద్‌(జీహెచ్‌ఎంసీ) ఎన్నికలపై ఎలాంటి ఆదేశాలు ఇవ్వలేమని తెలంగాణ హైకోర్టు స్పష్టం చేసింది. గ్రేటర్‌ ఎన్నికల రిజర్వేషన్లకు...
25-11-2020
Nov 25, 2020, 14:30 IST
మైనారిటీలకు రిజర్వేషన్లు ఇచ్చిన ఘనత వైఎస్ రాజశేఖర్‌రెడ్డిదే. మైనారిటీల అభివృద్ధికి వైఎస్సార్‌ కృషి చేశారు.
25-11-2020
Nov 25, 2020, 13:45 IST
సాక్షి, హైదరాబాద్‌ : తెలంగాణ బీజేపీ అధ్యక్షుడు బండి సంజయ్‌ సర్జికల్‌ స్ట్రైక్‌ వ్యాఖ్యలు విచారకరమని మాజీ పీసీసీ అధ్యక్షుడు పొన్నాల లక్ష్మయ్య...
25-11-2020
Nov 25, 2020, 12:49 IST
సాక్షి, హైదరాబాద్‌: బీజేపీ అధ్యక్షుడు, ఎంపీ బండి సంజయ్ హైదరాబాద్‌లో మత సామరస్యాన్ని చెడగొడుతున్నారని కాంగ్రెస్‌ పార్టీ రాష్ట్ర ఇంచార్జ్‌...
25-11-2020
Nov 25, 2020, 12:43 IST
సాక్షి, హైదరాబాద్‌: 'సబ్‌కా సాథ్‌.. సబ్‌ కా వికాస్'‌ భారతీయ జనతా పార్టీ విధానమని కేంద్ర మంత్రి స్మృతి ఇరానీ అన్నారు....
25-11-2020
Nov 25, 2020, 11:56 IST
సాక్షి, హైదరాబాద్‌: సర్జికల్ స్ట్రైక్ అంటే టీఆర్‌ఎస్‌, ఎంఐఎంకు కంగారెందుకని మాజీ ఎంపీ విజయశాంతి మండిపడ్డారు. గ్రెటర్‌ హైదరాబాద్‌ ఎన్నికల...
25-11-2020
Nov 25, 2020, 09:17 IST
సాక్షి, హైదరాబాద్‌: ఎన్నికలప్పుడు రాజకీయ పార్టీలు, అభ్యర్థులు వేసే ఎత్తులకు ప్రత్యర్థులు పైఎత్తులు వేయడం మూమాలే. అయితే ప్రస్తుతం నెలకొన్న...
25-11-2020
Nov 25, 2020, 08:58 IST
సాక్షి, హైదరాబాద్‌: కరోనా వైరస్‌ దెబ్బతో ఆర్నెళ్లుగా విలవిల్లాడిన రెస్టారెంట్లు, హోటళ్లు ప్రస్తుతం కస్టమర్లతో కళకళ్లాడుతున్నాయి. ముఖ్యంగా గ్రేటర్‌ హైదరాబాద్‌...
25-11-2020
Nov 25, 2020, 08:44 IST
సాక్షి, హైదరాబాద్‌: చలికాలంలోనూ మహానగరం రాజకీయ నాయకుల మాటల దాడులు, ప్రతిదాడులతో వేడెక్కుతోంది. గతానికి భిన్నంగా నగర ఓటర్లలో చీలిక తెచ్చే యత్నాలతో...
25-11-2020
Nov 25, 2020, 04:04 IST
సాక్షి, హైదరాబాద్ ‌: ఎన్నికల సందర్భంలో బందో బస్తు, భద్రత ఏర్పాట్లలో భాగంగా ఫ్లాగ్‌మార్చ్‌ల పేరిట పోలీసు, సాయుధ బలగాల...

మరిన్ని ఫొటోలు

మరిన్ని వీడియోలు

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top