ఆటో బోల్తాపడి యువకుడి మృతి

రణస్థలం: నారువ గ్రామానికి చెందిన నిద్రబంగి రాంబాబు (21) అనే యువకుడు రోడ్డు ప్రమాదంలో మంగళవారం మృతి చెందాడు. పోలీసులు తెలిపిన వివరాల ప్రకారం.. రాంబాబు స్వగ్రామం నుంచి ఆటోలో కోష్టా వస్తుండగా పైడిపేట శివాలయం సమీపంలో ఆటో బోల్తా పడింది. ఈ ఘటనలో రాంబాబుకు బలమైన గాయం కావడంతో రణస్థలం సీహెచ్‌సీకి తరలించారు. అక్కడి నుంచి మెరుగైన చికిత్స నిమిత్తం శ్రీకాకుళం తీసుకెళ్లగా అక్కడ చికిత్స పొందుతూ మృతి చెందాడు. రాంబాబుకు తల్లిదండ్రులు లక్ష్మీ, అసిరయ్య, తమ్ముడు గణేష్‌ ఉన్నారు. జె.ఆర్‌.పురం ఎస్సై వి.సత్యనారాయణ కేసు నమోదు చేసి దర్యాప్తు చేస్తున్నారు.