ప్రపంచంలోనే అతిపెద్ద కరోనా వ్యాక్సినేషన్ ప్రక్రియ

PM Narendra modi Launches Corona Vaccination - Sakshi

కరోనా వ్యాక్సిన్ రెండు డోసులు ఖచ్చితంగా వేసుకోవాలి

ఈ వ్యాక్సిన్లు కరోనాపై పోరాటంలో భారత్‌కు విజయాన్ని అందిస్తాయి

గురజాడ అప్పారావు కవిత్వాన్ని గుర్తుచేసిన ప్రధాని

సాక్షి, న్యూఢిల్లీ : ప్రపంచంలోనే అతిపెద్ద కరోనా వ్యాక్సినేషన్ ప్రక్రియను భారత ప్రధానమంత్రి నరేంద్ర మోదీ ప్రారంభించారు. శనివారం ఉదయం 10:30 నిమిషాలకు వర్చువల్‌ ద్వారా ఏర్పాటు చేసిన కార్యక్రమంలో మోదీ పాల్గొని వ్యాక్సినేషన్‌ ప్రక్రియకు శ్రీకారం చుట్టారు. ఈ సందర్భంగా మోదీ మాట్లాడుతూ... దేశ వ్యాప్తంగా వ్యాక్సిన్‌ కోసం పెద్ద ఎత్తున ప్రజలు ఎదురుచూస్తున్నారని అన్నారు. వ్యాక్సిన్‌ కోసం శ్రమించిన శాస్త్రవేత్తలు, సంస్థలకు అభినందనలు తెలిపారు. నర్సులు, డాక్టర్లు, ఆరోగ్య కార్యకర్తలు తొలి హక్కు దారులని అన్నారు. వీరందరికీ ప్రభుత్వ ఖర్చుతో ఉచితంగా వ్యాక్సిన్‌ అందుబాటులో ఉంచుతామని పేర్కొన్నారు. ప్రపంచ వ్యాప్తంగా కరోనా వ్యాక్సిన్‌ తయారీలో భారత్‌కు చెందిన శాస్త్రవేత్తలు, సంస్థలు కీలక పాత్ర పోషించారని గుర్తుచేశారు. కరోనా వ్యాక్సిన్‌ రెండు డోసులను ఖచ్చితంగా తీసుకోవాలని ప్రధాని సూచించారు. టీకా వేసుకున్నా.. మాస్క్‌, సామాజిక దూరం పాటించాల్సిదేనని స్పష్టం చేశారు.

రెండో దశలో 30 కోట్ల మందికి టీకాలు
ప్రధానమంత్రి నరేంద్ర మోదీ మాట్లాడుతూ.. ‘ఎవరికీ ఎప్పుడు టీకా అందిస్తామో వారికి ముందుగా సమాచారం ఇస్తాం. కరోనా వ్యాక్సిన్ రెండు డోసులు ఖచ్చితంగా వేసుకోవాలి. తొలి డోసు, రెండో డోసుకు మధ్య నెల రోజుల సమయం పడుతుంది. రెండో డోసు వేసుకున్న తర్వాతనే.. కరోనాకు వ్యతిరేకంగా మీ శరీరంలో వ్యాధి నిరోదక శక్తి పెరుగుతుంది. టీకా వేసుకున్న తర్వాత కూడా మాస్క్, సామాజిక దూరం పాటించాల్సిందే. ప్రపంచంలో 100కుపైగా దేశాల్లో జనాభా 3 కోట్లకంటే తక్కువే. కానీ భారత్‌లో మొదటి దశలోనే 3 కోట్ల మందికి టీకా ఇస్తున్నాం. రెండో దశలో 30 కోట్ల మందికి టీకాలు ఇస్తాం. అన్నీ రక్షణ చర్యలు చూసుకునే రెండు వ్యాక్సిన్లకు అనుమతి ఇచ్చాం. వ్యాక్సిన్‌పై తప్పుడు ప్రచారాన్ని నమ్మొద్దు. భారత్ ఉత్పత్తి చేసే వ్యాక్సిన్లకు ప్రపంచ వ్యాప్తంగా ఎంతో నమ్మకం ఉంది. ప్రపంచవ్యాప్తంగా 60శాతం మంది పిల్లలకు ఇస్తున్న పలు వ్యాక్సిన్లు భారత్‌వే. ఇతర దేశాల వ్యాక్సిన్ కంటే మన వ్యాక్సిన్లు చాలా చౌక, సులువైనది. ఈ వ్యాక్సిన్లు కరోనాపై పోరాటంలో భారత్‌కు విజయాన్ని అందిస్తాయి. సమస్య ఎంత పెద్దదైనా మనం ఎప్పుడూ ఆత్మవిశ్వాసాన్ని కోల్పోలేదు. ఒకప్పుడు మాస్క్‌లు, పీపీఈ కిట్ల కోసం ఇతర దేశాలపై ఆధారపడేవాళ్లం. ఇప్పుడు అన్నీ మన దేశంలోనే తయారవుతున్నాయి. సొంత లాభం కొంత మానుకో.. పొరుగు వారికి తోడ్పడవోయ్.. దేశం అంటే మట్టి కాదోయ్.. దేశం అంటే మనుషులోయ్.. తెలుగులో మహాకవి గురజాడ అప్పారావు చెప్పారు. గురజాడ చెప్పినట్లు పరుల కోసం మనందరం పాటుపడాలి.

ప్రజల కోసం తమ ప్రాణాలను ఆహూతిచ్చారు
చనిపోయిన వారికి పద్దతిగా అంత్యక్రియలు చేయని పరిస్థితి గతంలో ఉండేది. కరోనా సమయంలో హెల్త్ వర్కర్లు, పోలీసులు.. పారిశుద్ధ్య కార్మికులు తమ కుటుంబాలను వదిలి ప్రజలకోసం పనిచేశారు. కొందరైతే పనిచేస్తునే చనిపోయారు. ప్రజల ప్రాణాలకోసం తమ ప్రాణాలను ఆహూతిచ్చారు. కరోనాపై పోరాడుతూ చనిపోయినవారందరికీ శ్రద్ధాంజలి. కరోనా తీవ్రతపై శాస్త్రవేత్తలు, సమాజానికి ఎలాంటి ఊహ లేకుండాపోయింది. కరోనా వల్ల భారత్‌ తీవ్రంగా నష్టపోతుందని ప్రపంచం భావించింది. ఇంత జనాభా ఉన్న భారత్‌ కరోనాను ఎలా తట్టుకుంటుందని అనుకున్నారు. జనవరి 30, 2020న తొలి కరోనా కేసు నమోదు అయింది. కానీ అంతకంటే రెండు వారాల ముందే హైలెవల్ కమిటీని ఏర్పాటు చేశాం. 2020, జనవరి 17న కరోనాపై తొలి అడ్వైజర్ జారీ చేశాం. కరోనాపై పోరాటంలో భారత్ చూపించిన సాహసం రాబోయే తరాలకు ఆదర్శం. జనతా కర్ఫ్యూ ప్రజలను మానసికంగా లాక్‌డౌన్‌కు సిద్ధం చేసింది. కరోనాను ఆపడానికి ఎక్కడిప్రజలు అక్కడే ఉండాలనే నిర్ణయం తీసుకున్నాం. లాక్‌డౌన్‌లో ప్రజలు ఇబ్బందులు పడకుండా అన్ని జాగ్రత్తలు తీసుకున్నాం. కరోనాతో చైనాలో చిక్కుకున్న పౌరులను కొన్ని దేశాలు అక్కడే వదిలేశాయి. కానీ భారత్‌ చైనా నుంచి తమ పౌరులను వెనక్కి తెచ్చుకుంది. వందే భారత్ ద్వారా 35 లక్షల మంది పౌరులను స్వదేశానికి తీసుకొచ్చాం’ అని అన్నారు.

కాగా శనివారం నుంచి దేశవ్యాప్తంగా 3,006 కేంద్రాల్లో వ్యాక్సినేషన్‌ ప్రక్రియ జరుగుతున్న విషయం తెలిసిందే. తొలి రోజు హెల్త్‌ వర్కర్స్‌కు మాత్రమే కరోనా టీకా వేయాలని కేంద్ర ప్రభుత్వం నిర్ణయించింది. ఆ తరువాత దశలవారీగా సామాన్య ప్రజలకు కరోనా వ్యాక్సినేషన్‌  అందుబాటులోకి రానుంది. తొలి విడతలో 18 ఏళ్లు పైబడిన వారికి మాత్రమే వ్యాక్సిన్‌ వేయనున్నారు. మొదటి డోస్ తీసుకున్న తర్వాత 28 రోజులకు రెండో డోస్ ఇవ్వనున్నారు. కొవిడ్ వ్యాక్సినేషన్‌ ప్రత్యేక కాల్ సెంటర్ టోల్‌ఫ్రీ నెంబర్ - 1075ను సైతం ప్రభుత్వం అందుబాటులో ఉంచింది.

గర్భవతులకు వ్యాక్సిన్‌ ఇవ్వవద్దు
గర్భవతులు, పాలిచ్చే తల్లులకు వ్యాక్సిన్‌ ఇవ్వవద్దంటూ కేంద్ర ఆరోగ్య శాఖ స్పష్టం చేసింది. ఎవరికి వ్యాక్సిన్‌ ఇవ్వకూడదో చెబుతూ అన్ని రాష్ట్రాలు, కేంద్ర పాలిత ప్రాంతాలకు లేఖలు రాసింది. కేవలం 18 ఏళ్లు దాటిన వారికి మాత్రమే వ్యాక్సిన్‌ ఇవ్వాలని పేర్కొంది. గర్భవతులు, పాలిచ్చే తల్లుల మీద వ్యాక్సిన్‌ ప్రయోగాలు జరగనందున వారికి వ్యాక్సిన్‌ ఇవ్వవద్దని స్పష్టం చేసింది. మొదటగా ఇచ్చిన డోసుకు సంబంధించిన వ్యాక్సిన్‌నే 14 రోజుల వ్యవధితో ఇచ్చే రెండో డోసులోనూ ఇవ్వాలని స్పష్టం చేసింది.

Read latest National News and Telugu News | Follow us on FaceBook, Twitter, Telegram

మరిన్ని వార్తలు

24-02-2021
Feb 24, 2021, 10:14 IST
మాస్క్‌ ధరించని వారి నుంచి ఏకంగా 30,50,00,000 రూపాయలు వసూలు
24-02-2021
Feb 24, 2021, 03:14 IST
పొరుగునే ఉన్న మహారాష్ట్రలో కరోనా కేసులు వేగంగా వ్యాప్తి చెందుతుండటంతో అంతర్రాష్ట్ర సరిహద్దుల్లో కోవిడ్‌ భయం నెలకొంది.
23-02-2021
Feb 23, 2021, 18:58 IST
సాక్షి, హైదరాబాద్‌ : దేశంలో కొత్త రకం కరోనా వైరస్‌ తీవ్ర ఆందోళనకు గురిచేస్తోంది. దేశవ్యాప్తంగా మూడు రాష్ట్రాల్లో కరోనా...
23-02-2021
Feb 23, 2021, 04:09 IST
న్యూఢిల్లీ: దేశంలో ప్రైవేట్‌ రంగం భాగస్వామ్యంతో కోవిడ్‌–19 వ్యాక్సినేషన్‌ సామర్థ్యాన్ని గణనీయంగా పెంచవచ్చని విప్రో వ్యవస్థాపకుడు అజీమ్‌ ప్రేమ్‌జీ అభిప్రాయపడ్డారు....
23-02-2021
Feb 23, 2021, 03:09 IST
న్యూఢిల్లీ: దేశంలో కొన్ని రాష్ట్రాల్లో కోవిడ్‌ కేసులు పెరుగుతున్న నేపథ్యంలో కేంద్ర హోంమంత్రి అమిత్‌షా కేంద్ర వైద్య శాఖాధికారులతో సోమవారం...
23-02-2021
Feb 23, 2021, 02:55 IST
లండన్‌: యూకేలో ప్రస్తుతం అమలవుతున్న కోవిడ్‌ లాక్‌డౌన్‌ ఆంక్షలను నాలుగు దశల్లో ఎత్తి వేసేందుకు ఉద్దేశించిన రోడ్‌ మ్యాప్‌ను ప్రధానమంత్రి...
22-02-2021
Feb 22, 2021, 15:11 IST
ముంబై సెంట్రల్ ‌: ముంబై నగర పరిసర ప్రాంతాల్లో గత వారం రోజులుగా కరోనా మహమ్మారి వేగంగా విస్తరిస్తోంది. ఈసారి...
22-02-2021
Feb 22, 2021, 11:34 IST
రానున్న 8-15 రోజుల్లో రాష్ట్రంలో కరోనా కేసుల సంఖ్య ఇలానే పెరిగితే  లాక్‌డౌన్‌ తప్పదు
22-02-2021
Feb 22, 2021, 03:58 IST
న్యూఢిల్లీ: భారత్‌లో కరోనా సెకండ్‌ వేవ్‌ విజృంభి స్తోందనే భయాందోళనలు మొదలయ్యాయి. శనివారం ఉదయం నుంచి ఆదివారం ఉదయం వరకు...
21-02-2021
Feb 21, 2021, 14:33 IST
పాజిటివ్‌ కేసులు ఎక్కువగా నమోదవుతున్న ప్రాంతాల్లో పాఠశాలలు, కాలేజీలను సైతం మూసివేశారు.
21-02-2021
Feb 21, 2021, 05:21 IST
న్యూఢిల్లీ: ఆక్స్‌ఫర్డ్‌ కోవిడ్‌ వ్యాక్సిన్‌ రెండు డోసులకు మధ్య మూడు నెలల వ్యవధి తీసుకోవడం మంచి ఫలితాలనిస్తుందని తాజా అధ్యయనం...
21-02-2021
Feb 21, 2021, 05:13 IST
కరోనా మహమ్మారి కేసుల్లో అకస్మాత్తుగా పెరుగుదల నమోదైందని కేంద్ర ఆరోగ్య మంత్రిత్వ శాఖ శనివారం హెచ్చరించింది.
20-02-2021
Feb 20, 2021, 09:00 IST
ఇప్పటివరకు దేశవ్యాప్తంగా 6,400 వైరస్‌ జన్యుక్రమాలు మాత్రమే నమోదై ఉన్నాయని, వీటిల్లోనే 5 వేల కంటే ఎక్కువ రూపాంతరాలు ఉన్నాయని...
20-02-2021
Feb 20, 2021, 09:00 IST
కరోనాతో బాధపడుతున్న సంగారెడ్డికి చెందిన అసిస్టెంట్‌ సబ్‌ ఇన్‌స్పెక్టర్‌ రాములు (50) గాంధీ ఆస్పత్రిలో శుక్రవారం మృతిచెందారు.
20-02-2021
Feb 20, 2021, 08:39 IST
'మీకంటే అత్యంత ఎక్కువ అవసరం ఉన్న వారి వద్ద నుంచి మీరు వ్యాక్సిన్‌ను దొంగిలించారు' అని ఆరోగ్యశాఖ ప్రతినిధి తెలిపారు. ...
19-02-2021
Feb 19, 2021, 20:46 IST
ఇందుకు పరిహారంగా తనకు 5 కోట్ల రూపాయలు ఇవ్వాలని డిమాండ్‌ చేశాడు.
19-02-2021
Feb 19, 2021, 16:11 IST
ప్రజల్లో కరోనా పట్ల పెద్దగా భయం లేకపోవడం, జాగ్రత్తలు పాటించకపోవడంతో కోవిడ్‌ మళ్లీ విజృంభిస్తుందని అధికారులు తెలిపారు.  
18-02-2021
Feb 18, 2021, 02:19 IST
జనవరి తర్వాత గత వారంలో మహారాష్ట్ర వ్యాప్తంగా ఒకే రోజు 3 వేల కేసులు వెలుగులోకి వచ్చాయి. ఫిబ్రవరి మొదటి...
17-02-2021
Feb 17, 2021, 13:21 IST
సాక్షి, హైదరాబాద్‌: గతనెల 7న భూటాన్‌ రాజధాని థింపూలోని ఒక ఆసుపత్రిలో 34 ఏళ్ల వ్యక్తి కరోనా వైరస్‌తో మృతి...
16-02-2021
Feb 16, 2021, 18:46 IST
బెంగళూరు: ఒకే అపార్టుమెంటులో నివసిస్తున్న దాదాపు 103 మంది ఒకేసారి కరోనా వైరస్‌ బారిన పడిన ఘటన స్థానికంగా కలకలం రేపుతోంది. ఇటీవల అపార్టుమెంటులో నిర్వహించిన పార్టీలో దాదాపు 45 మంది...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top