TV
నందికొట్కూరు: వైఎస్సార్‌సీపీలోకి టీడీపీ, కాంగ్రెస్‌ పార్టీ నాయకులు సోమవారం చేరారు. పాములపాడు మండల పరిధిలోని వేంపెంట, మిట్టకందాల, భానుముక్కల, మద్దూరు గ్రామాల నుంచి 100 కుటుంబాలకు చెందిన టీడీపీ నాయకులు, కాంగ్రెస్‌ కార్యకర్తలు నందికొట్కూరుకు వచ్చారు. వైఎస్సార్‌సీపీ మండల కన్వీనర్‌ నాగరాజు ఆధ్వర్యంలో వారికి పార్టీ నియోజకవర్గ సమన్వయకర్త డాక్టర్‌ దార సుధీర్‌, యువజన విభాగం రాష్ట్ర వర్కింగ్‌ ప్రెసిడెంట్‌ బైరెడ్డి సిద్ధార్థరెడ్డి పార్టీ కండువాలు కప్పి సాదరంగా ఆహ్వానించారు. వైఎస్సార్‌సీపీలో చేరిన వారిలో మాజీ వైస్‌ ఎంపీపీ భానుముక్కల బండ్లమూరి వెంకటేశ్వర్లు, వేంపెంట వడ్డెర కార్పొరేషన్‌ మాజీ డైరెక్టర్‌ రామసుబ్బయ్య, మిట్టకందాల బీమశంకర్‌, కృష్ణానగర్‌ పీరయ్య, రమణారెడ్డి, లింగాల స్వామి తదితరులు ఉన్నారు. ఈ కార్యక్రమంలో వైఎస్సార్‌సీపీ నాయకులు వెంకటస్వామి, శ్రీకాంత్‌ తదితరులు పాల్గొన్నారు.
