కౌంట్‌ డౌన్‌ స్టార్ట్‌

‘‘వెండితెరపై యుద్ధానికి కౌంట్‌ డౌన్‌ స్టార్ట్‌ అయింది. 30 రోజుల్లో బాక్సాఫీస్‌ విధ్వంసానికి ‘వార్‌ 2’’ సిద్ధం అంటూ చిత్రయూనిట్‌ పేర్కొంది. హృతిక్‌ రోషన్, కియారా అద్వానీ జంటగా నటించిన చిత్రం ‘వార్‌ 2’. అయాన్‌ ముఖర్జీ దర్శకత్వం వహించిన ఈ సినిమా ద్వారా హీరో ఎన్టీఆర్‌ హిందీ చిత్ర పరిశ్రమకి పరిచయమవుతున్నారు. యశ్‌ రాజ్‌ ఫిల్మ్స్‌పై ఆదిత్యా చోప్రా నిర్మించిన ఈ చిత్రం ఆగస్టు 14న హిందీ, తెలుగు, తమిళ భాషల్లో పాన్‌ ఇండియా ఫిల్మ్‌గా విడుదల కానుంది.

‘వార్‌ 2’ ముప్పై రోజుల్లో రానుందని తెలిసేలా తాజాగా ఓపోస్టర్‌ను రిలీజ్‌ చేశారు మేకర్స్‌. ఈ పోస్టర్‌లో హృతిక్‌ రోషన్, ఎన్టీఆర్, కియారా అద్వానీపాత్రల్ని చూపించేలా డిజైన్‌ చేశారు. ‘‘యాక్షన్‌ ఓరియంటెడ్‌ స్పై డ్రామాగా రూపొందిన చిత్రం ‘వార్‌ 2’’ అని చిత్రబృందం పేర్కొంది.