Varudu Actress Bhanu Sri Mehra Said Allu Arjun Blocked Her On Twitter - Sakshi
Sakshi News home page

Allu Arjun: ఆ హీరోయిన్‌ని బ్లాక్‌ చేసిన బన్నీ! స్క్రిన్‌ షాట్స్‌తో నటి ఆరోపణలు..

Published Sat, Mar 18 2023 3:36 PM | Last Updated on Sat, Mar 18 2023 4:57 PM

Varudu Actress Bhanu Sri Mehra Said Allu Arjun Blocked Her on Twitter - Sakshi

అల్లు అర్జున్‌ నటించిన వరుడు మూవీ బాక్సాఫీసు వద్ద నిరాశ పరిచినా తెలుగు వారి హృదయాల్లో ఎప్పటికి నిలిచిపోతుంది. వివాహం అంటే ఇలా ఉండాలి అనేట్టుగా సంప్రదాయ పద్దతిలో జరిగిన హీరోహీరోయిన్ల పెళ్లి వేడుక ప్రేక్షకులను కనువిందు చేసింది. చెప్పాలంటే వరుడు సినిమా తర్వాత చాలా మంది ఐదు రోజుల పాటు పెళ్లి వేడుకను ఘనంగా జరుపుకుంటున్నారు. అంతలా ఆకట్టుకుంది ఈ సినిమా. ఇక చిత్రంతోనే టాలీవుడ్‌కు పరిచయమైంది  భాను శ్రీ మెహ్రా. వరుడు రిలీజ్‌కు ముందు ఆమెకు వచ్చిన క్రేజ్‌ అంతా ఇంతా కాదు.

చదవండి: అదేం వెబ్‌ సిరీస్‌.. మన సంస్కృతి ఏమైపోతుంది: నటుడు షాకింగ్‌ రియాక్షన్‌

దీనికి కారణం ఆమె లుక్‌ను సస్పెన్స్‌లో ఉంచడమే. వరుడు ఫలితం ఎలా ఉన్న భాను శ్రీ మెహ్రా నటనకు మాత్రం మంచి మార్కులే పడ్డాయి. అయితే ఆ తర్వాత ఆమెకు పెద్దగా అవకాశాలు రాకపోవడంతో క్యారెక్టర్‌ అర్టిస్ట్‌గా, సహానటి పాత్రలతో సర్దుకుపోతుంది. ఈ క్రమంలో తాజాగా అల్లు అర్జున్‌పై ఆరోపణలు చేస్తూ ఆమె ఓ ట్వీట్‌ చేసింది. అల్లు అర్జున్‌ తనని ట్విటర్‌లో బ్లాక్‌ చేశాడని. దీనికి సంబంధించిన స్క్రిన్‌ షాట్స్‌ను కూడా షేర్‌ చేసింది.

చదవండి: ‘కోపంతో పుష్ప 2 సెట్‌ వీడిన రష్మిక!’ బన్నీనే కారణమంటూ ట్వీట్‌

‘నేను వరుడు సినిమాలో అల్లు అర్జున్‌తో కలిసి నటించాను. ఈ సినిమా తర్వాత నాకు పెద్దగా అవకాశాలు రాలేదు. కానీ నా ప్రయత్నాన్ని నేను ఆపలేదు. ఈ క్రమంలో నేను ఎన్నో కష్టాలు పడ్డాను. కానీ వాటిలో కూడా హాస్యాన్ని వెతుకడం నేర్చుకున్నా. కానీ ఇక్కడ చూడండి బన్నీ నన్ను ట్విటర్‌లో బ్లాక్‌ చేశాడు’ అంటూ రాసుకొచ్చింది. ఇక ఈ ట్వీట్‌ చేసిన రెండు గంటల తర్వాత ఆమె మరో పోస్ట్‌ చేసింది. ‘గ్రేట్‌ న్యూస్‌.. అల్లు అర్జున్‌ నన్ను అన్‌బ్లాక్‌ చేశాడు. నేను ఎప్పుడు అయనను నిందించలేదు’ అంటూ భాను శ్రీ రాసుకొచ్చింది. కాగా అల్లు అర్జున్‌ ఆమెను బ్లాక్‌ చేయడానికి కారణం ఏంటన్నది మాత్రం క్లారిటీ లేదు. కానీ ఆమె ట్వీట్‌ చేసిన కొద్ది క్షణాలకే బన్నీ ఆమెను అన్‌బ్లాక్‌ చేయడం గమనార్హం.  

No comments yet. Be the first to comment!
Add a comment
Advertisement
Advertisement
 
Advertisement
 
Advertisement