‘ఆచార్య’కి నో.. అల్లు అర్జున్‌ చెల్లిగా ఓకే

Sai Pallavi To Play Allu Arjun Sister In Pushpa Movie? - Sakshi

స్టైలిష్‌ స్టార్ అల్లు అర్జున్, క్రియేటివ్‌ డైరెక్టర్‌ సుకుమార్‌‌ కాంబినేషన్‌లో ‘ఆర్య, ఆర్య 2’ తర్వాత వస్తున్న చిత్రం ‘పుష్ప’. మైత్రీ మూవీ మేకర్స్‌ సంస్థ నిర్మిస్తోంది. రష్మికా మందన్నా కథానాయిక.  పాన్ ఇండియా మూవీగా ఐదు భాషల్లో రూపొందుతున్న ఈ సినిమాపై సుక్కు స్పెషల్ కేర్ తీసుకుంటున్నారు. అల్లు అర్జున్‌ తొలిసారి పూర్తిస్థాయి మాస్‌ రోల్‌లో మెప్పించనున్నారు. ఈ సినిమా చిత్రీకరణ కరోనా కారణంగా అనేక సార్లు వాయిదా పడింది. ప్రస్తుతం పరిస్థితులు కాస్త కుదుట పడటంతో ఈ నెల 8నుంచి షూటింగ్ ప్రారంభించనున్నారు. ఈ సారి పక్కా షెడ్యూల్ రెడీ చేసి త్వరగా సినిమాను పూర్తి చేయాలని చిత్ర బృందం భావిస్తుందట.

ఇదిలా ఉంటే.. ఈ చిత్రానికి సంబంధించిన ఓ ఆసక్తికరమైన వార్త సోషల్‌ మీడియాలో చక్కర్లు కొడుతోంది.  ఈ సినిమాలో ‘ఫిదా’ బ్యూటీ సాయి పల్లవి నటించనుందని ఆ వార్త సారాంశం. అంతేకాదు ఇందులో సాయిపల్లవి బన్నీకి చెల్లెలిగా నటించనుందని వార్తలు షికార్లు చేస్తున్నాయి. అంతే కాదు ఈ సినిమా కోసమే  చిరంజీవి హీరోగా తెరకెక్కుతోన్న ‘ఆచార్య’లో నటించే అవకాశం వచ్చినా తిరస్కరించిదట ఈ నాచ్యురల్ బ్యూటీ. ప్రస్తుతం సాయి పల్లవి కెరీర్‌ మంచి పీక్స్‌లో ఉంది. ఇలాంటి సమయంలో ఒక యంగ్‌ హీరోకి చెల్లిగా నటించడానికి సాయి పల్లవి ఒప్పకుందంటే కాస్త సందేహించాల్సిందే. మరి ఈ వార్తలో ఎంత వరకు నిజం ఉందో తెలియాంటే చిత్ర యూనిట్‌ అధికారికంగా స్పందించే వరకు వేచి చూడాలి. ప్రస్తుతం ఈ నాచ్యురల్‌ బ్యూటీ  రానా సరసన 'విరాటపర్వం 1992' మూవీలో నటిస్తోంది. 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top