Nayanthara : ఓటీటీలోకి నయన్‌ కొత్త సినిమా.. మే 9 నుంచి స్ట్రీమింగ్‌

Nayanthara Kunchacko Boban Starrer Nizhal To Stream On OTT From 9th - Sakshi

నయనతార... అందంతో పాటు చక్కటి అభినయంతో తక్కువ సమయంలోనే స్టార్‌ హీరోయిన్‌గా ఎదిగిన నటి. ఒక పక్క స్టార్‌ హీరోల సరసన నటిస్తూనే.. మరో పక్క లేడీ ఓరియెంటెడ్‌ చిత్రాలను చేస్తూ.. లేడీ సూపర్‌ స్టార్‌గా ఎదిగింది. కథలలో కొత్త దనం ఉన్న చిత్రాలను ఎంచుకుంటూ తెలుగు, తమిళ ఇండస్ట్రీలో దూసుకెళ్తుంది.

ఇటీవల  సూపర్ స్టార్ రజినికాంత్ కథానాయకుడిగా వచ్చిన ‘దర్బార్’ చిత్రంలో ఆయనకు జోడిగా నటించింది. ఆతర్వాత మూక్తి అమ్మన్ అనే తమిళ సినిమాతో ప్రేక్షకుల ముందుకు వచ్చింది నయన్.  ప్రస్తుతం ఈ అమ్మడు చేతిలో అన్నతే, కతువాకుల రెండు కాదల్ అనే చిత్రాలు ఉన్నాయి.

కాగా, తెలుగు, తమిళ్‌ భాషల్లోనే కాదు మలయాళంలోనూ రాణిస్తుంది ఈ హాట్‌ బ్యూటీ.  అక్కడ నిజల్ అనే సినిమాలోనూ నయన్ నటించింది. ఈ సినిమాలో చాకో బోబన్ – నయనతార హీరో హీరోయిన్లుగా నటించగా సైజు కురుప్, దివ్య ప్రభా, రోనీ డేవిడ్ ముఖ్యపాత్రల్లో నటించారు. ఈ సినిమా ఇప్పుడు ఓటీటీ వేదికగా రిలీజ్ కాబోతుంది. మే 9న ఈ సినిమా 4K & Dolby ఓటీటీ సంస్థ ద్వారా ప్రేక్షకుల ముందుకు రాబోతుంది. మిస్టరీ థ్రిల్లర్ గా ఈ సినిమా తెరకెక్కింది. ఈ సినిమాకు అప్పు ఎన్ భట్టతిరి దర్శకత్వం వహించారు.

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top