Naga Shaurya Confidence About 'Phalana Abbayi Phalana Ammayi' Success - Sakshi
Sakshi News home page

Naga Shaurya: ఈ సినిమా సక్సెస్‌పై నాకు నమ్మకముంది..

Published Fri, Mar 17 2023 9:02 AM

Naga Shaurya Confidence About Phalana Abbayi Phalana Ammayi Success - Sakshi

నాగశౌర్య, మాళవికా నాయర్‌ జంటగా అవసరాల శ్రీనివాస్‌ దర్శకత్వంలో రూపొందిన చిత్రం ‘ఫలానా అబ్బాయి ఫలానా అమ్మాయి’. టీజీ విశ్వప్రసాద్, దాసరి పద్మజ నిర్మించిన ఈ చిత్రం నేడు విడుదలవుతోంది. ఈ చిత్రం ప్రీ రిలీజ్‌ ప్రెస్‌మీట్‌లో నాగశౌర్య మాట్లాడుతూ– ‘‘ఈ సినిమా కోసం మేం చాలా కష్టపడ్డాం. మా కష్టం థియేటర్స్‌లో తెలుస్తుంది. నా కెరీర్‌లో ‘ఊహలు గుసగుసలాడే’, ‘జ్యో అచ్యుతానంద’ సినిమాల గురించి ఎలా చెప్పుకున్నానో ‘ఫలానా..’ సినిమా గురించి అంతే బాగా చెప్పుకుంటాను. ఈ సినిమా విజయం పట్ల నమ్మకంగా ఉన్నాం’’ అన్నారు.

‘‘ఈ చిత్రంలోని పాత్రలు నిజజీవితంలో చూసినట్లుగా ఉంటాయి. ఎమోషనల్‌ మూవీ ఇది. నటనపై ఆధారపడ్డ సినిమా కాబట్టే సింక్‌ సౌండ్‌ ఉండాలని నిర్ణయించుకున్నాను. ఈ సినిమాలోని సంజయ్‌ పాత్రకు నాగశౌర్య బాగా సరిపోయాడు. ఏడు చాప్టర్లు ఉండే ఈ సినిమాలోని నాలుగో చాప్టర్‌ నాకు చాలా ఇష్టం. ఇంటర్వెల్‌కి ముందు వచ్చే ఈ చాప్టర్‌లో వచ్చే ఎమోషన్‌ ఇంతవరకు నేను తెలుగు సినిమాల్లో చూడలేదనేది నా అభిప్రాయం’’ అన్నారు అవసరాల శ్రీనివాస్‌. ‘‘నాగశౌర్య, మాళవికల సహజ నటన కోసం ఈ సినిమా చూడొచ్చు’’ అన్నారు చిత్ర సహనిర్మాత వివేక్‌ కూచిభొట్ల.‘‘ఇంత మంచి సినిమాలో మమ్మల్ని భాగం చేసిన విశ్వప్రసాద్, వివేక్‌ కూచిభొట్లగారికి థ్యాంక్స్‌’’ అన్నారు దాసరి ప్రసాద్‌.

Advertisement
 
Advertisement
 
Advertisement