కాలమే నిర్ణయిస్తుంది.. నాగబాబు భావోద్వేగం

Naga Babu Emotional Tweet Daughter Niharika Wedding - Sakshi

హైదరాబాద్‌: ‘‘సరికొత్త జీవితం ఆరంభించబోతున్న నీకు శుభాకాంక్షలు. తను స్కూలుకు వెళ్లిన మొదటి రోజు నాకింకా గుర్తుంది. అప్పుడైతే సాయంత్రానికి ఇంటికి తిరిగి వచ్చేది. కానీ ఇప్పుడలా కాదు. నా చిన్నారి కూతురు స్కూలుకు వెళ్లేంత పెద్దదై పోయిందనే నిజం నమ్మడానికే నాకు చాలా ఏళ్లు పట్టింది. తనతో ఇరవై నాలుగు గంటలు ఆడుకోలేననే బాధ వెంటాడేది. ఇంకెన్నాళ్లు ఇలాంటి ఫీలింగ్‌ ఉంటుందో.. కాలమే నిర్ణయిస్తుంది.. నిన్ను ఎంతగానో మిస్సవుతున్నా నిహా తల్లి’’ అంటూ నటుడు నాగబాబు భావోద్వేగానికి లోనయ్యారు. కూతురిని అత్తారింటికి సాగనంపే సమయం ఆసన్నం కావడంతో పాత జ్ఞాపకాలు తలచుకుంటూ ఉద్వేగానికి గురయ్యారు. తన గారాలపట్టి నిహారిక పెళ్లి వేడుకలకు సంబంధించిన ఫొటోలను మెగా బ్రదర్‌ బుధవారం సోషల్‌ మీడియా‌లో షేర్‌ చేశారు. కాగా నాగబాబు కూతురుగానే గాకుండా నటిగా నిహారిక తనకంటూ ప్రత్యేక గుర్తింపు దక్కించుకున్న సంగతి తెలిసిందే.(చదవండివధువుగా ముస్తాబైన నిహారిక.. ఫోటో వైరల్‌)

(వైభవంగా నిహారిక-చైతన్య వివాహం గ్యాలరీ కోసం ఇక్కడ క్లిక్ చేయండి)

అంతేగాక తండ్రి బాటలో నడుస్తూ నిర్మాతగా పలు వెబ్‌ సిరీస్‌లు రూపొందించారు. ఇక నాన్నకూచి అయిన నిహారిక నేడు చైతన్య జొన్నలగడ్డతో ఏడడుగులు వేసి వైవాహిక బంధంలో అడుగుపెట్టనున్నారు. మెగా కుటుంబం, అత్యంత సన్నిహితుల మధ్య వీరిద్దరి వివాహం ఉద​య్‌పూర్‌లో అంగరంగ వైభవంగా జరుగుతోంది. నిహారిక- చైతన్య పెళ్లి వేడులకు సంబంధించిన ఫొటోలు, వీడియోలు సోషల్‌ మీడియాలో వైరల్‌ అవుతున్నాయి.

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top