Kartik Aaryan Rents Shahid Kapoor Mumbai Juhu Home For Shocking Amount, Deets Inside - Sakshi
Sakshi News home page

స్టార్‌ హీరో ఇంట్లో అద్దెకు దిగిన మరో హీరో, రెంట్‌ ఎంతో తెలిస్తే గుడ్లు తేలేయడం ఖాయం!

Jan 19 2023 4:19 PM | Updated on Jan 19 2023 5:44 PM

Kartik Aaryan Rents Shahid Kapoor Mumbai Juhu Home, Deets Inside - Sakshi

సెక్యూరిటీ డిపాజిట్‌ కింద రూ.45 లక్షలు ముందుగానే అప్పజెప్పాల్సి ఉంటుంది. ఇందుకు సంబంధించిన రిజిస్ట్రేషన్‌ కూడా సంక్రాంతికి

బాలీవుడ్‌ యంగ్‌ హీరో కార్తీక్‌ ఆర్యన్‌ ప్రస్తుతం 'షెహజాదా' సినిమాలో నటిస్తున్నాడు. టాలీవుడ్‌లో సూపర్‌ హిట్‌గా నిలిచిన అల వైకుంఠపురములో సినిమాకు ఇది రీమేక్‌ అన్న విషయం తెలిసిందే! షెహజాదా ఫిబ్రవరి 10న థియేటర్లలో విడుదల కానుంది. ఇదిలా ఉంటే కార్తీక్‌.. బాలీవుడ్‌ హీరో షాహిద్‌ కపూర్‌ ఇంట్లో అద్దెకు దిగుతున్నాడట! ముంబైలోని జుహులో షాహిద్‌ కపూర్‌కు లగ్జరీ అపార్ట్‌మెంట్‌ ఉంది. గతేడాది వరకు షాహిద్‌ తన భార్య మీరా రాజ్‌పుత్‌.. పిల్లలు జైన్‌, మిషాతో కలిసి అక్కడే ఉండేవాడు. ఇటీవలే వీరు వర్లిలోని డూప్లెక్స్‌ ఇంటికి షిఫ్ట్‌ అయ్యారు. దీంతో ప్రానెటా బిల్డింగ్‌లోని తన అపార్ట్‌మెంట్‌ ఖాళీ అయింది.

తాజాగా ఈ అపార్ట్‌మెంట్‌లోకి కార్తీక్‌ ఆర్యన్‌ అద్దెకు దిగినట్లు తెలుస్తోంది. ఈ లగ్జరీ ఇంటి అద్దె రూ.7.5 లక్షలు కాగా ఏడాది తర్వాత రెంట్‌ పెరుగుతుందట. రెండో ఏడాది నెలనెలా రూ.8.02 లక్షలు కట్టాల్సి ఉంటుందట. ఇక మూడో సంవత్సరంలో ఏకంగా రూ.8.58 లక్షలు చెల్లించాల్సి ఉంటుందని తెలుస్తోంది. సెక్యూరిటీ డిపాజిట్‌ కింద రూ.45 లక్షలు ముందుగానే అప్పజెప్పాల్సి ఉంటుంది. ఇందుకు సంబంధించిన రిజిస్ట్రేషన్‌ ప్రక్రియ కూడా సంక్రాంతికి ముందే పూర్తైనట్లు బీటౌన్‌లో ఓ వార్త వైరల్‌గా మారింది. కాగా కార్తీక్‌ ఆర్యన్‌ గతంలో వెర్సోవాలోని ఓ అపార్ట్‌మెంట్‌లో నివసించేవాడు. దీన్ని 2019లో రూ.1.60 కోట్లకు కొనుగోలు చేశాడు.

చదవండి: రోజూ రాత్రి ఒంటరిగా వెక్కి వెక్కి ఏడ్చేదాన్ని: రష్మిక
డైరెక్టర్‌కు మెగాస్టార్‌ ఖరీదైన బహుమతి

Advertisement

Related News By Category

Related News By Tags

Advertisement
 
Advertisement

పోల్

Advertisement