Priyanka Singh: స్టార్​ రైటర్​తో బిగ్​బాస్​ బ్యూటీ ప్రియాంక.. త్వరలో సర్​ప్రైజ్​ అంటూ

Bigg Boss 5 Beauty Priyanka Singh Meets Kona Venkat - Sakshi

తెలుగు బిగ్​బాస్​ ఐదో సీజన్​లో టాప్ 7 వరకు కొనసాగిన ట్రాన్స్​జెండర్ ప్రియాంక సింగ్​ బుల్లితెర ప్రేక్షకులకు కొత్తగా పరిచయం లేని పేరు. అయితే బిగ్​బాస్ ఎలిమినేషన్​ తర్వాత ప్రియాంకకు భారీగానే ఆఫర్లు వస్తున్నట్లు తెలుస్తోంది. తాజాగా ప్రముఖ మాటల రచయిత కోన వెంకట్​ను ప్రియాంక సింగ్​ కలిసింది. ఇందుకు సంబంధించిన ఒక ఫొటోను సోషల్​ మీడియా వేదికగా షేర్​ చేసింది ప్రియాంక. ఈ పోస్ట్​కు 'ఒక సర్​ప్రైజింగ్​ వార్త రాబోతోంది. మీతో సమయం గడపడం చాలా సంతోషంగా ఉంది' అని క్యాప్షన్​ రాసుకొచ్చింది ప్రియాంక. ఇది చూస్తుంటే కోన వెంకట్​తో ప్రియాంక సినిమా గురించి చర్చలు జరిపినట్లు తెలుస్తోంది. 

మరీ అది ఏ సినిమా గురించో, ఆ సర్​ప్రైజ్​ ఏంటో తెలియాలంటే కొద్ది రోజులు ఆగాల్సిందే. ఇదిలా ఉంటే జబర్దస్త్​ కమెడియన్​గా కెరీర్​ ప్రారంభించి.. ట్రాన్స్​జెండర్​ ప్రియాంక సింగ్​గా మారింది. బిగ్​బాస్​ ఐదో సీజన్​లో 19 మంది కంటెస్టెంట్​లో ఒకరిగా ఎంట్రీ ఇచ్చిన ప్రియాంక టాప్​ 7 వరకు కొనసాగి అందరినీ ఆశ్చర్యపరిచింది. అందం, ఆట తీరుతో అభిమానులను మూటగట్టుకున్న ప్రియాంక తర్వాత మానస్​పై ఎక్కువ ఫోకస్​ పెట్టడంతో అభిమానులు సైతం జీర్ణించుకోలేకపోయారు. ఈ విషయంపై ట్రోలింగ్​ బారిన కూడా పడింది. ఏదైమైనా బిగ్​బాస్​ అనంతరం ప్రియాంకకు ఆఫర్లు రావడం ఆమె కెరీర్​కు మంచి శుభపరిణామం.
 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top