PODCAST
Ajay Devgn Maidaan Movie: రెండేళ్ల తర్వాత విడుదల కాబోతున్న అజయ్‌ దేవగన్‌ ‘మైదాన్‌’ చిత్రం
ఎట్టకేలకు అజయ్‌ దేవగన్‌, ప్రియమణి చిత్రం ‘మైదాన్‌’ విడుదలకు సిద్ధమైంది. రెండేళ్ల క్రితమే విడుదల కావాల్సిన ఈ చిత్రం కరోనా కారణంగా పులుమార్లు వాయిదా పడుతూ వస్తోంది. ఈ క్రమంలో తాజాగా ఈ మూవీ రిలీజ్‌ డేట్‌ను చిత్ర బృందం ప్రకటించింది. జూన్‌ 23న విడుదల చేయనున్నట్లు మంగళవారం చిత్ర యూనిట్‌ వెల్లడిస్తూ కొత్త పోస్టర్‌ను రిలీజ్‌ చేసింది. కాగా స్పోర్ట్స్‌ డ్రామాగా రాబోతున్న ఈ మూవీ ఫుట్‌బాల్‌ కోజ్‌ సయ్యద్‌ అబ్దుల్‌ రహీమ్‌ జీవితం ఆధారంగా రూపొందింది.
ఇందులో అజయ్‌ దేవగన్‌ ఫుట్‌బాల్‌ కోజ్‌గా కనిపించనున్నాడు. నటి ప్రియమణి కీలక పాత్ర పోషించిన ఈ మూవీకి అమిత్‌ రవీంద్రనాథ్‌ దర్శకత్వం వహించాడు. జీ స్టూడియోస్, బోనీ కపూర్, ఆకాష్‌ చావ్లా, అరుణవ జోయ్‌ గుప్తా నిర్మించిన చిత్రం ఇది. భారత జాతీయ ఫుట్‌బాల్‌ జట్టు కోచ్, మేనేజర్‌ (1950 –1963 సమయంలో) సయ్యద్‌ అబ్దుల్‌ రహీమ్‌ జీవితంలో చోటు చేసుకున్న పలు ఆసక్తికర సంఘటనలను మైదాన్‌లో చూపించనున్నాడు దర్శకుడు.
సంబంధిత వార్తలు
మరిన్ని వార్తలు
