Kushboo: 'గ్లిజరిన్‌తో పని ఉంటుంది అనుకుంటారు.. కానీ ఇందులో అలా ఉండదు'

ఇండస్ట్రీలో ఇకప్పటి స్టార్‌ హీరోయిన్స్‌ ఇప్పుడు కూడా చక్రం తిప్పుతున్నారు. కీలకమైన పాత్రల్లో నటిస్తూ సందడి చేస్తున్నారు. ఆ కోవలోకే వస్తారు సీనియర్‌ హీరోయిన్‌ ఖుష్బూ. ఆమె కీలక పాత్రలో నటించిన  'ఆడవాళ్లు మీకు జోహార్లు' సినిమా వచ్చే నెల 4న విడుదల కానుంది. ఈ సందర్బంగా ఓ ఇంటర్వ్యూలో పాల్గొన్న ఖుష్బూ సినిమా గురించి పలు ఆసక్తికర విషయాలను పంచుకుంది. ఆడవాళ్లు అంటే ఎక్కువ‌గా గ్లిజ‌రిన్‌తోనే పని ఉంటుంది అనుకుంటారు.

​కానీ ఈ సినిమాతో ఆ భావన తప్పు అని తెలుస్తుంది. ఈ సినిమాలో ఆడవాళ్లు నవ్వుతూ, నవ్విస్తూ సందడి చేస్తారు. అలాగే నా పాత్ర ఎలా ఉందన్నది సినిమా చూశాక ఆడియెన్స్‌ చెప్పాలి. ఈ క్యారెక్టర్‌ చేస్తున్నప్పుడు నేను చాలా ఎంజాయ్‌ చేశాను. ఇక స్క్రిప్ట్ నచ్చితే కొత్త దర్శకులతో పనిచేయడానికి కూడా నేను సిద్ధంగానే ఉన్నాను అంటూ చెప్పుకొచ్చింది.