సర్వేతో భూ వివాదాలకు చెక్‌

పాపన్నపేట(మెదక్‌): డిజిటల్‌ సర్వేతో భూ వివాదాలకు చెక్‌ పడుతుందని మెదక్‌ ఆర్డీఓ రమాదేవి అన్నారు. శుక్రవారం మండల పరిధిలోని ముద్దాపూర్‌లో జరుగుతున్న డిజిటల్‌ భూ సర్వేను పరిశీలించారు. ఈసందర్భంగా ఆమె మాట్లాడుతూ.. భూ వివాదాలు, సరిహద్దు తగాదాలు, రికార్డుల్లో తప్పిదాలకు పూర్తిస్థాయిలో అడ్డుకట్ట వేసేందుకు ప్రభుత్వం డిజిటల్‌ సర్వే ప్రారంభించిందన్నారు. అధునాతన సాంకేతిక పరిజ్ఞానంతో జరిపే కొలతలు ఖచ్చితత్వాన్ని కలిగి ఉంటాయన్నారు. భవిష్యత్తులో భూ సమస్యలు రాకుండా ఉంటాయన్నారు. భవిష్యత్తులో సమస్యలు రాకుండా జాగ్రత్తగా కొలతలు తీయాలని సిబ్బందికి సూచించారు. ఆమె వెంట తహసీల్దార్‌ సతీశ్‌కుమార్‌, సిబ్బంది, రైతులు ఉన్నారు.