TV
కాంట్రాక్ట్‌ కార్మికులకు ఈఎస్‌ఐ వైద్యం
శ్రీరాంపూర్‌: సింగరేణిలో కాంట్రాక్ట్‌ కార్మికులకు రెండు నెలల్లో ఈఎస్‌ఐ వైద్య సదుపాయం కల్పించబోతున్నారని గుర్తింపు సంఘం ఏఐటీయూసీ అధ్యక్షుడు వాసిరెడ్డి సీతారామయ్య తెలిపారు. గురువారం నస్పూర్‌ కాలనీలోని సివిల్‌ డిపార్టుమెంట్‌ వద్ద పలువురు కాంట్రాక్ట్‌ కార్మికులు ఏఐటీయూసీలో చేరారు. ఈ సందర్భంగా ఆయన మాట్లాడుతూ కంపెనీలో 33 వేల మంది కాంట్రాక్ట్‌ కార్మికులు పని చేస్తున్నారని వీరికి కనీస వేతనాలు అందడం లేదన్నారు. ఈ కార్యక్రమంలో ఆ యూనియన్‌ డిప్యూటీ ప్రధాన కార్యదర్శి ముస్కే సమ్మయ్య, బ్రాంచి కార్యదర్శి షేక్‌ బాజీసైదా, సహాయ కార్యదర్శి మోతుకూరి కొమురయ్య, తదితరులు పాల్గొన్నారు.
