జిల్లా స్థాయి క్రీడలు సమర్థవంతంగా నిర్వహించాలి

మహబూబాబాద్‌ అర్బన్‌: జిల్లాలో గిరిజన ఆశ్రమ పాఠశాలల్లో నవంబర్‌ నెలలో జరగనున్న క్రీడలు సమర్థవంతంగా నిర్వహించాలని జిల్లా గిరిజన సంక్షేమశాఖ అధికారి గుగులోతు దేశీరాంనాయక్‌ అన్నారు. జిల్లా కేంద్రంలోని గిరిజన సంక్షేమ శాఖ కార్యాలయంలో శనివారం పీడీ, పీఈటీలతో సమావేశం నిర్వహించారు. ఈ సందర్భంగా ఆయన మాట్లాడుతూ.. కొత్తగూడ, మానుకోట డివిజన్లలో జిల్లా స్థాయి వాలీబాల్‌, కబడ్డీ, ఖోఖో, త్రోబాల్‌, చెస్‌, క్యారమ్‌, అథ్లెటిక్‌ వివిధ క్రీడలు నిర్వహిస్తున్నట్లు తెలిపారు. కొత్తగూడలో నవంబర్‌ 3, 4వ తేదీల్లో క్రీడలు జరుగుతాయని, మానుకోటలో నవంబర్‌ 5, 6 తేదీలో క్రీడలు జరుగుతాయన్నారు. ఈ క్రీడలకు కొత్తగూడ సెక్రటరీగా పీడీ పద్మ, మానుకోట డివిజన్‌ సెక్రటరీగా పీడీ అనిల్‌ ఎంపికై నట్లు తెలిపారు. అనంతరం పీడీలు జిల్లా అధికారి దేశీరాంను సన్మానించారు. కార్యక్రమంలో ఏటీడీఓ ఉపేందర్‌, పీడీలు తదితరలు పాల్గొన్నారు.

జిల్లా గిరిజన శాఖ అధికారి దేశీరాంనాయక్‌