గెలుపునకు సహకరించండి

● మచిలీపట్నం నగరపాలక సంస్థలో మేయర్‌ అభ్యర్థి లంకా జ్యోతి కలెక్టరేట్‌లోని అన్ని శాఖల్లోని ఉద్యోగులకు అభివాదం చేస్తూ ప్రచారంలో పాల్గొన్నారు. అనంతరం నగరంలోని 4, 5, 8 డివిజన్లలో ప్రచార వాహనంపై ప్రజలకు అభివాదం చేస్తూ ముందుకు సాగారు. అబద్ధాలు, అసత్యాలు మాట్లాడే వారికి బుద్ధి చెప్పి వైఎస్సార్‌ సీపీ విజయానికి సహకరించాలని కోరారు. ప్రచారంలో మునిసిపల్‌ మాజీ చైర్మన్‌ షేక్‌ సలార్‌దాదా, మాజీ డెప్యూటీ మేయర్‌ లంకా సూరిబాబు, వైఎస్సార్‌ సీపీ నాయకులు చిటికిన నాగేశ్వరరావు, నేతలు పాల్గొన్నారు. ● పెడన పట్టణంలో జెడ్పీ మాజీ చైర్‌పర్సన్‌ ఉప్పాల హారిక, వైఎస్సార్‌ సీపీ చైర్‌పర్సన్‌ అభ్యర్థి కటకం నాగకుమారితో కలిసి 21, 23, 24 వార్డుల్లో ఇంటింటి ప్రచారం చేశారు. చైర్‌పర్సన్‌ అభ్యర్థికి, ఉప్పాల హారికకు మహిళలు హారతులు ఇచ్చి స్వాగతం పలికారు. తమ విజయానికి సహకరిస్తే పెడన పట్టణాన్ని మరింత అభివృద్ధి చేస్తామని తెలియజేస్తూ ముందుకు సాగారు. కౌన్సిలర్‌ అభ్యర్థులు కుర్మా సుజాత, వీణం రాము, కారుపర్తి హరిశ్రీరామచంద్రమూర్తి, ఇతర నేతలు పాల్గొన్నారు. ● ఉయ్యూరు మునిసిపాలిటీ పరిధిలో చైర్‌పర్సన్‌ అభ్యర్థి పైడిముక్కల దివ్య ఆయా సామాజికవర్గాల నాయకులతో సమావేశమై విజయానికి సహకరించాలని విజ్ఞప్తి చేశారు. అనంతరం పట్టణంలోని 18, 19 వార్డుల్లో ఇంటింటి ప్రచారం చేశారు. గతంలో ఉయ్యూరు పట్టణంలో చేసిన అభివృద్ధిని వివరిస్తూ తమ విజయానికి సహకరిస్తే మరింత అభివృద్ధి చేసి చూపిస్తామని ప్రజలకు తెలియజేశారు. కార్యక్రమంలో వైఎస్సార్‌ సీపీ నేతలు గడ్డం చైతన్య, జంపాన కొండలరావు, షేక్‌ అబుల్‌ కలాం, పలువురు పార్టీ నాయకులు, కార్యకర్తలు పాల్గొన్నారు.