చెరువులోకి పడి ఇద్దరు బాలికలు..

యశవంతపుర: బట్టలు ఉతకడానికి వెళ్లి ఇద్దరు బాలికలు చెరువులోకి జారి పడి మృతి చెందిన ఘటన ఉడుపి జిల్లా కుందాపుర తాలూకా హొసాడు గ్రామం కొప్పరి గుడ్డెలో ఆదివారం సాయంత్రం జరిగింది. ముళ్లికట్ట జోపడిలో హావేరి జిల్లా శిగ్గావికి చెందిన వలస కూలీలు చంద్రు బసవరాజ కూతురు సునీత (13), మంజునాథ– శారద దంపతుల బిడ్డ వైశాలి (13) ఐదుమంది చిన్నారులతో కలిసి కడుబి చెరువు వద్దకు బట్టలు ఉతకడానికి వెళ్లారు. సునీత, వైశాలిలు జారి లోతైన ప్రాంతంలో పడ్డారు. ఈతరాని కారణంగా గట్టుకు రాలేక మునిగిపోయారు. మిగతా బాలలు వచ్చి తల్లిదండ్రులకు చెప్పగా, పోలీసులకు సమాచారమిచ్చారు. ఫైర్‌ సిబ్బంది కొన్ని గంటలపాటు గాలించి మృతదేహాలను వెలికితీశారు.