TV
కలుషిత నీటితో గ్రామస్తులకు చర్మవ్యాధులు
హొసపేటె: కలుషితమైన నీరు తాగడం వల్ల గ్రామస్తులు చర్మం వ్యాధితో బాధపడుతున్నారు. అదే విధంగా బ్యాక్టీరియా, ఇతర సూక్ష్మజీవులతో రోగాలు సోకుతున్నాయి. విజయనగర జిల్లా హొసపేటె తాలూకా మరియమ్మనహళ్లి సమీపంలోని జి.నాగలాపుర గ్రామ పంచాయతీ పరిధిలోని బలకుంది గ్రామంలో కలుషితమైన నీటిని గత కొన్నేళ్లుగా గ్రామ సమీపంలోని కొండపైన ఉన్న ట్యాంక్‌ ద్వారా సరఫరా చేస్తున్నారు. దీని వల్ల గ్రామంలో గత కొన్ని నెలలుగా గ్రామస్తులు చర్మ వ్యాధులతో బాధపడుతున్నారు. గాయాలై చికాకు లేదా మంటలు వస్తున్నాయి. కలుషితమైన నీరు ఫంగస్‌ పెరుగుదలకు అనుకూలమైన వాతావరణాన్ని కలిగి ఉన్నందున ఇది చర్మంపై ఫంగల్‌ ఇన్ఫెక్షన్లకు కారణమవుతోంది. గ్రామ పంచాయతీ నిర్లక్ష్యంపై గ్రామస్తులు ఆగ్రహం వ్యక్తం చేశారు. చాలా చోట్ల ప్రజలు తాగునీటి కోసం ఇబ్బంది పడుతున్నారు. కానీ ఇక్కడ నీరు ఉన్నప్పటికీ ప్రజలు ఆ నీటిని తాగిన తర్వాత చర్మ వ్యాధులతో బాధపడుతున్నారు.
కలుషిత నీటితో గ్రామస్తులకు చర్మవ్యాధులు
