క్రీడాపోటీలతో సత్సంబంధాలు

క్రీడాపోటీలతో సత్సంబంధాలు

నిజామాబాద్‌నాగారం: క్రీడాపోటీలతో ఉద్యోగుల మధ్య సత్సంబంధాలు ఏర్పడతాయని పోలీస్‌ కమిషనర్‌ సాయిచైతన్య పేర్కొన్నారు. జిల్లా కేంద్రంలోని పోలీస్‌ పరేడ్‌ గ్రౌండ్‌లో విద్యుత్‌ శాఖ ఎస్‌ఈ రవీందర్‌ ఆధ్వర్యంలో నిర్వహిస్తున్న తెలంగాణ ట్రాన్స్‌కో, డిస్కమ్స్‌ ఇంటర్‌ సర్కిల్‌ హాకీ టోర్నీని సీపీ సోమవారం ప్రారంభించారు. ఈ సందర్భంగా ఆయన మాట్లాడుతూ రోజూ వినియోగదారులకు మెరుగైన సేవలందించడంతోపాటు ప్రకృతి వైపరీత్యాల సమయంలో ఎంతో కష్టపడే విద్యుత్‌ ఉద్యోగుల్లో ఈ తరహా టోర్నీల నిర్వహణతో కొత్త ఉత్సాహం వస్తుందన్నారు. ఉద్యోగులు, సిబ్బందిని క్రీడల్లో ప్రోత్సహిస్తున్న విద్యుత్‌సంస్థ సీఎండీ అభినందనీయులన్నారు. కార్యక్రమంలో ఎస్‌ఈ ఆపరేషన్‌ కామారెడ్డి శ్రావణ్‌ కుమార్‌, ఎస్‌ఈ ఓఎంసీ పీవీ రావు, అడిషనల్‌ డీసీపీ రామచంద్రరావు, రాష్ట్ర స్పోర్ట్స్‌ ఆఫీసర్‌ జగన్నాథ్‌, డీఈలు రమేశ్‌, విక్రమ్‌, టోర్నీ ఆర్గనైజర్‌, ఏడీఈ రాజశేఖర్‌, ఏఏవో గంగారాం నాయక్‌ పాల్గొన్నారు. మొదటిరోజు టోర్నీ లో నిజామాబాద్‌, నల్గొండ, కరీంనగర్‌, వరంగల్‌ జిల్లాల జట్లు తలపడ్డాయి.

కమిషనర్‌ ఆఫ్‌ పోలీస్‌ సాయిచైతన్య

అట్టహాసంగా ప్రారంభమైన విద్యుత్‌

సంస్థ హాకీ టోర్నీ