29 నుంచి వాడపల్లి వెంకన్న బ్రహ్మోత్సవాలు

ఆత్రేయపురం: వాడపల్లి వేంకటేశ్వరస్వామివారి 14వ వార్షిక బ్రహ్మోత్సవాలను ఈ నెల 29 నుంచి నవంబర్‌ 6 వరకు అత్యంత వైభవంగా నిర్వహించడానికి ఏర్పాట్లు చేస్తున్నట్లు దేవదాయ శాఖ ఉప కమిషనర్‌, ఆలయ ఈవో నల్లం సూర్య చక్రధరరావు తెలిపారు. ఆయన సోమవారం మాట్లాడుతూ ఈ మేరకు స్వామివారి బ్రహ్మోత్సవాల ఆహ్వాన పత్రికలను పంపిణీ చేస్తున్నామన్నారు. 29న ఉత్సవాలకు శ్రీకారం చుట్టి, రాత్రి శేష వాహనసేవతో ప్రారంభిస్తామన్నారు. ఆ సందర్భంగా ఈ నెల 29 నుంచి నవంబర్‌ 6వ తేదీ వరకు ఆలయంలో ఆర్జిత సేవలు, సామూహిక అష్టోత్తర పూజలు, ఐశ్వర్య లక్ష్మీ హోమాలు, కల్యాణాలు రద్దు చేసినట్టు తెలిపారు.