TV
జైలు నుంచి విడిపించండి
● ప్రవాసీ ప్రజావాణిలో బాధిత కుటుంబాల ఫిర్యాదు
జగిత్యాలక్రైం: బహ్రెయిన్‌లో రెండేళ్ల జైలు శిక్ష పడిన ఐదుగురిని విడిపించాలని కోరుతూ.. బాధితుల కుటుంబ సభ్యులు మంగళవారం హైదరాబాద్‌లోని సీఎం ప్రవాసీ ప్రజావాణిని ఆశ్రయించారు. తమ కుటుంబ సభ్యులను విడిపించాలని నలుగురి తల్లులు, ఒకరి చెల్లెలు సహాయం కోసం ప్రజావాణిని ఆశ్రయించారు. గడువు తీరిన ఆహార ఉత్పత్తుల తేదీలను ఫోర్జరీ చేసి మార్చడం.. నిల్వ పదార్థాల మార్కెటింగ్‌ చేసిన కేసులో అక్కడి న్యాయస్థానం ముగ్గురికి మూడేళ్లు, 19మందికి రెండేళ్ల జైలుశిక్ష విధించింది. వీరిలో జగిత్యాలకు చెందిన గోవిందు రాకేశ్‌ (రత్నాపూర్‌) ఉన్నారు. ఎన్‌ఆర్‌ఐ అడ్వైజరీ కమిటీ చైర్మన్‌, అంబాసిడర్‌ వినోద్‌కుమార్‌, వైస్‌ చైర్మన్‌ మంద భీంరెడ్డితో కలిసి ప్రభుత్వం దృష్టికి తీసుకెళ్లారు.
