అక్కడ ఉగ్రవాదులకు అపరిమిత స్వేచ్ఛ.. ఐరాస ఆందోళన

ఐరాస: కల్లోలిత అఫ్గానిస్తాన్‌లో ఉగ్రవాద మూకలు అంతులేని స్వేచ్ఛను అనుభవిస్తున్నాయని, వాటికి ఎదురే లేకుండా పోయిందని ఐక్యరాజ్యసమితి సెక్రెటరీ జనరల్‌ ఆంటోనియో గుట్టెరస్‌ ఆందోళన వ్యక్తం చేశారు. అఫ్గానిస్తాన్‌లోని ఐసిస్‌ అనుబంధ సంస్థ ‘ఇస్లామిక్‌ స్టేట్‌ ఇన్‌ ఇరాక్‌ అండ్‌ లెవాంట్‌–ఖోరాసన్‌’కు సనావుల్లా గఫారీ అలియాస్‌ సాహ బ్‌ అల్‌-ముజాహిర్‌ నేతృత్వం వహిస్తున్నాడు. గత ఏడాది కాబూల్‌ ఎయిర్‌పోర్టుపై దాడికి సంబంధించి గఫారీపై అమెరికా సోమవారం 10 మిలియన్‌ డాలర్ల రివార్డు ప్రకటించింది.