పెళ్లి వేడుకలో వింత వేషధారణ

మంగళూరు: పెళ్లి వేడుకలో హిందువుల మనోభావాలను దెబ్బతీశారనే ఆరోపణలపై మంగళూరుకు చెందిన ఓ ముస్లిం పెళ్లి కొడుకు, పెళ్లి కూతురు బంధువులపై కేసు నమోదైంది. బంట్వాల్‌ తాలూకా కొల్నాడు గ్రామంలో సాలెతూర్‌కు చెందిన అజీజ్‌ ఇంట్లో గురువారం రాత్రి జరిగిన వివాహ వేడుకకు బాషిత్‌ అనే వ్యక్తి హాజరయ్యాడు. ఈ సందర్భంగా తులునాడు ప్రాంతంలో హిందువులు ఎక్కువగా ఆరాధించే కొరగజ్జా అనే దేవుడి మాదిరిగా బాషిత్‌ తదితరులు దుస్తులు వేసుకుని, ఆ దేవుడిని అవమానించేలా డ్యాన్స్‌ చేశారు.

ఈ వీడియోను అతడి స్నేహితులు సోషల్‌ మీడియాలో పోస్ట్‌ చేయడంతో వైరల్‌గా మారింది. దీనిపై బంట్వాల్‌ తాలూకా విట్లపడ్నూర్‌ గ్రామానికి చెందిన చేతన్‌ ఫిర్యాదు మేరకు పెళ్లికొడుకు, పెళ్లి కూతురు బంధువులపై వివిధ సెక్షన్ల కింద కేసులు నమోదు చేసినట్లు పోలీసులు తెలిపారు.