TV
పోలీసులకు పట్టుబడిన నిందితులు
17 ఏళ్ల యువతిని సదరు నిందితుడు శనివారం కిడ్నాప్‌ చేసి, ఆమెపై లైంగికదాడికి పాల్పడ్డాడు.
ఒడిశా (మల్కన్‌గిరి) : అశ్లీల వీడియో పోస్ట్(విడుదల) చేసిన యువకుడు నిరంజన్‌ మఝితో పాటు అతడికి సహకరించిన నలుగురు యువతులను పోలీసులు ఆదివారం అరెస్ట్‌ చేశారు. వివరాలిలా ఉన్నాయి.. జిల్లాలోని కలిమెల సమితి, ఎంవీ–79 గ్రామంలో ఓ 17 ఏళ్ల యువతిని సదరు నిందితుడు శనివారం కిడ్నాప్‌ చేసి, ఆమెపై లైంగికదాడికి పాల్పడ్డాడు. దీనంతటినీ వీడియో తీసి, విడుదల చేశాడు. ఈ ఘటనకు మరో నలుగురు యువతుల సాయం చేయగా, దీనిపై కేసు నమోదు చేసిన పోలీసులు నిందితులందరినీ అరెస్ట్‌ చేయడం గమనార్హం. అరెస్టయిన వారిలో నిరంజన్‌ మఝితో పాటు అతడికి సహకరించిన మమత మండాల్, అనోమా బిశ్వాస్, నలిని హల్ధర్, మధుమ హల్ధర్ ఉన్నారు.
