సీఎన్‌జీ వేరియంట్‌, అదిరిపోయే లుక్‌తో ఎస్‌యూవీ గ్రాండ్‌ విటారా విడుదల

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ ఇండియా మధ్యస్థాయి ఎస్‌యూవీ గ్రాండ్‌ విటారా మోడల్‌లో రెండు రకాల సీఎన్‌జీ వేరియంట్లను పరిచయం చేసింది. 

ధర రూ.12.85 లక్షల నుంచి ప్రారంభం. 5 స్పీడ్‌ మాన్యువల్‌ గేర్‌బాక్స్‌ పొందుపరిచారు. మైలేజీ కేజీకి 26.6 కిలోమీటర్లు ఇస్తుందని కంపెనీ శుక్రవారం ప్రకటించింది. 1.5 లీటర్‌ పెట్రోల్‌ ఇంజన్‌ ధర వేరియంట్‌ను బట్టి రూ.10.45–19.49 లక్షల మధ్య ఉంది. 

సీఎన్‌జీ శ్రేణిలో గ్రాండ్‌ విటారాతో కలిపి మొత్తం 14 మోడళ్లు ఉన్నాయని సంస్థ మార్కెటింగ్, సేల్స్‌ సీనియర్‌ ఎగ్జిక్యూటివ్‌ ఆఫీసర్‌ శశాంక్‌ శ్రీవాస్తవ వివరించారు. మారుతీ సుజుకీ సబ్‌స్క్రైబ్‌ విధానంలో నెల ఫీజు రూ.30,723 మొదలుకుని ఈ కారును సొంతం చేసుకోవచ్చని కంపెనీ తెలిపింది.