మూడో రోజుకు చేరిన జాతర

● కోటమైసమ్మ తల్లిని దర్శించుకున్న

భక్తజనం

కారేపల్లి: మండలంలోని ఉసిరికాయలపల్లిలో దసరా పండుగ సందర్భంగా మొదలైన కోటమైసమ్మ తల్లి జాతర గురువారం మూడో రోజుకు చేరింది. ఈ సందర్భంగా పెద్దసంఖ్యలో భక్తులు అమ్మవారిని దర్శించుకుని మొక్కులు చెల్లించారు. ఈనెల 26వ తేదీ వరకు జరిగే జాతరకు దేవాదాయ ధర్మదాయ శాఖ, పర్సా ట్రస్టు ఆధ్వర్యాన విస్తృత ఏర్పాట్లు చేశారు. జాతర ఆవరణలో సర్కస్‌లు, పిల్లలు, పెద్దలను అలరించేలా జాయింట్‌ వీల్‌, కొలంబో, టవర్‌ రైడర్‌ వంటివి ఏర్పాటుచేయడంతో రాత్రీపగలు సందడిగా ఉంటోంది. ఖమ్మం రూరల్‌ ఏసీపీ తిరుపతిరెడ్డి పర్యవేక్షణలో సింగరేణి సీఐ సాగర్‌, ఎస్‌ఐ గోపితో పాటు సిబ్బంది బందోబస్తు విధులు నిర్వర్తిస్తున్నారు. దేవాదాయ శాఖ ఈఓ కె.వెంకటయ్య, పర్సా ట్రస్టు చైర్మన్‌ పట్టాభిరామారావు ఏర్పాట్లను పర్యవేక్షిస్తున్నారు.