కొత్తగా మరో మూడు జిల్లాలు

సాక్షి, అమరావతి: రాష్ట్రంలో కొత్తగా పోలవరంతోపాటు మార్కాపురం, మదనపల్లె జిల్లాలను ఏర్పాటు చేయనున్నారు. రంపచోడవరం కేంద్రంగా కొత్తగా పోలవరం జిల్లా ఏర్పాటు చేయా­లని రాష్ట్ర ప్రభుత్వం నిర్ణయించింది. పాత పోల­వరం ప్రాంతంలో ఎలాంటి మార్పులు చే­య­కుండా ఏలూరు జిల్లాలోనే కొనసాగించనుంది. ప్ర­స్తు­తం అల్లూరి సీతారామరాజు జిల్లాలోని రంప­చోడవరం, చింతూరు రెవెన్యూ డివిజన్లు కలిపి కొ­త్తగా పోలవరం జిల్లాగా ఏర్పాటు చేయ­ను­న్నా­రు. 

జిల్లాల పునర్విభజన కోసం ఏర్పా­టైన మంత్రివర్గ ఉప సంఘం ఇచ్చిన నివేదికపై సీఎం చంద్రబాబు సచివాల­యంలో మంగళ­వారం చర్చించి ఖరారు చేశారు. కొత్తగా ఏర్పాట­య్యే ఈ మూడు జిల్లాలతో రా­ష్ట్రంలోని జిల్లాల సంఖ్య  29కి పెరగ­నుంది. కొత్తగా 5 రెవెన్యూ డివిజన్లు ఏర్పాటు కానున్నాయి. 

అనకా­పల్లి జిలా­్ల­­లో నక్క­పల్లి, ప్రకాశం జిల్లాలో అద్దంకి, కొత్తగా ఏర్పా­ట­య్యే మదనపల్లె జిల్లాలో పీలేరు, నంద్యాల జిల్లా­లో బనగానపల్లె, శ్రీసత్యసాయి జిల్లాలో మడ­కశిర రెవెన్యూ డివిజన్లుగా ఏర్పాటు­కు నిర్ణయం తీసు­కు­న్నారు. కర్నూలు జిల్లా ఆదో­ని మండలాన్ని విభజించి కొత్తగా పెద్దహరి­వాణం మండలాన్ని ఏర్పాటు చేయాలని సీఎం ఆదేశించారు.

3.49 లక్షల జనాభాతో పోలవరం జిల్లా
పాడేరు కేంద్రంగా ఉన్న అల్లూరి సీతారామరాజు జిల్లాను విడగొట్టి పోలవరం జిల్లాను ఏర్పాటు చేస్తున్నారు. కేవలం రంపచోడవరం నియోజక­వర్గంతో 3.49 లక్షల అతి తక్కువ జనాభాతో ఈ జిల్లా ఏర్పాటవుతోంది. రాష్ట్రంలో అతి చిన్న జిల్లా ఇదే కాబోతోంది. రంపచోడవరం రెవెన్యూ డివిజన్‌లో రంపచోడవరం, దేవీపట్నం, వై రామ­వరం, గుర్తేడు, అడ్డతీగల, గంగవరం, మారేడు­మిల్లి, రాజవొమ్మంగి మండలాలు.. చింతూరు డివిజన్‌లోని యెటపాక, చింతూరు, కూనవరం, వరరామచంద్రాపురం మండలాలతో ఈ జిల్లా ఏర్పాటు కానుంది. 

ప్రకాశం జిల్లాను విడగొట్టి కొత్తగా మార్కాపురం జిల్లా 
ప్రకాశం జిల్లాను విభజించి మార్కాపురం, కని­గిరి రెవెన్యూ డివిజన్లతో కొత్తగా మార్కాపురం జి­ల్లా ఏర్పాటు కానుంది. యర్రగొండపాలెం, మా­ర్కాపురం, కనిగిరి, గిద్దలూరు నియోజక­వర్గా­లు ఈ జిల్లాలో ఉండనున్నాయి. 

మార్కా­పురం రెవె­న్యూ డివిజన్‌లోని యర్రగొండపాలెం, పుల్లలచె­రువు, త్రిపురాంతకం, దోర్నాల, పెద్దార­వీడు, తర్లుపాడు, మార్కాపురం, పొదిలి, కొనక­న­మిట్ల మండలాలు.. కనిగిరి డివిజన్‌లోని హను­మంతునిపాడు, వెలిగండ్ల, కనిగిరి, పెదచెర్లో­పల్లి, చంద్రశేఖరపురం, పామూరు, గిద్దలూరు, బెస్తవారి­పేట, రాచర్ల, కొమరోలు, కంభం, అర్ధ­వీడు మండలాలు కొత్త జిల్లాలో ఉండనున్నాయి. 11.42 లక్షల జనాభాతో ఈ జిల్లా ఏర్పాటు కానుంది. 

పీలేరు, మదనపల్లె రెవెన్యూ డివిజన్లతో మదనపల్లె జిల్లా
మదనపల్లె, పీలేరు రెవెన్యూ డివిజన్లతో కొత్తగా మదనపల్లె జిల్లా ఏర్పాటు కానుంది. మదనపల్లె, తంబళ్లపల్లె, పుంగనూరు, పీలేరు నియోజక­వర్గా­లు ఈ జిల్లాలో ఉండనున్నాయి. మదనపల్లె రెవె­న్యూ డివిజన్‌లోని మదనపల్లె, నిమ్మనపల్లె, రా­మ­సముద్రం, తంబళ్లపల్లె, ములకల చెరువు, పెదమండ్యం, కురబలకోట, పీటీ సముద్రం, బీ­రొంగి కొత్తకోట, చౌడేపల్లె, పుంగనూరు మండ­లాలు.. పీలేరు డివిజన్‌లోని సదుం, సోమల, పీలేరు, గుర్రంకొండ, కలకడ, కంభంవారి పల్లె, కలికిరి, వాల్మీకిపురం మండలాలు ఈ జిల్లాలో ఉండనున్నాయి. 

చెదిరిపోతున్న 17 జిల్లాలు
ఈ పునర్వ్యస్థీకరణతో 17 జిల్లాలు చెదిరిపోతు­న్నాయి. వైఎస్సార్‌సీపీ హయాంలో పార్లమెంటు నియోజకవర్గం ప్రాతిపదికగా ఏర్పాటైన జిల్లాల స్వరూపం చాలా వరకు మారిపోనుంది. విజ­య­నగరం, పార్వతీపురం మన్యం, విశాఖపట్నం, ఏలూరు, కృష్ణా, ఎన్టీఆర్, గుంటూరు, పల్నాడు, అనంతపురం జిల్లాల్లో ఎలాంటి మార్పులు జర­గ­లేదు. మంత్రుల కమిటీ చేసిన ఈ ప్రతిపాద­నలను ఈ నెల 28వ తేదీన జరగనున్న మంత్రివర్గ సమావేశంలో ఆమోదించనున్నారు.

డివిజన్లు, మండలాల్లో మార్పులు
» శ్రీకాకుళం జిల్లా పలాస డివిజన్‌లోని నందిగాం మండలాన్ని టెక్కలి డివిజన్‌లో కలపనున్నారు.
» అనకాపల్లి జిల్లాలోని పాయకరావుపేట, యలమంచిలి నియోజకవర్గాల్లోని మండ­లాలతో కొత్తగా నక్కపల్లి రెవెన్యూ డివిజన్‌ ఏర్పాటు కానుంది.
»  కాకినాడ డివిజన్‌లోని సామర్లకోట మండలా­న్ని పెద్దాపురం డివిజన్‌లో కలుపుతున్నారు.
» అంబేడ్కర్‌ కోనసీమ జిల్లా మండపేట నియోజకవర్గంలోని మండపేట, రాయవ­రం, కపిలేశ్వరపురం, మండలాలను రాజ­మహేంద్రవరం డివిజన్‌లో కలపనున్నారు.
» పశ్చిమ గోదావరి జిల్లాలోని పెనుగొండ మండలం పేరు వాసవీ పెనుగొండ మండలంగా మారనుంది.
»   బాపట్ల జిల్లాలోని అద్దంకి నియోజక­వర్గా­న్ని ప్రకాశం జిల్లాలో కలపనున్నారు. అ­ద్దం­కి, దర్శి నియోజకవర్గాలతో కొత్తగా అ­ద్దంకి రెవెన్యూ డివిజన్‌ ఏర్పాటు కానుంది. 
» కనిగిరి రెవెన్యూ డివిజన్‌లో ఉన్న మర్రి­పూడి, పొన్నలూరు మండలాలను కందు­కూరు రెవెన్యూ డివిజన్‌లో కలపనున్నారు.
» కందుకూరు నియోజకవర్గాన్ని ప్రకాశం జిల్లాలో విలీనం చేయనున్నారు. 
» నెల్లూరు జిల్లా వెంకటగిరి నియోజకవర్గంలోని కలువాయి, రాపూర్, సైదాపురం మండలాలను తిరుపతి జిల్లా గూడూరు డివిజన్‌లో కలపనున్నారు.
» పలమనేరు డివిజన్‌లోని బంగారుపాళ్యం మండలాన్ని చిత్తూరు డివిజన్‌లో కలుపుతున్నారు. 
» సదుం, సోమల, పీలేరు, గుర్రం కొండ, కలకడ, కేబీ పల్లి, కలికిరి, వాల్మీకిపురం మండలాలతో పీలేరు రెవెన్యూ డివిజన్‌ ఏర్పాటు కానుంది.
» పలమనేరు డివిజన్‌లోని చౌడేపల్లి, పుంగనూరు మండలాలను మదనపల్లె రెవెన్యూ డివిజన్‌లో కలపనున్నారు.
» వైఎస్సార్‌ కడప జిల్లాలోని ఒంటిమిట్ట, సిద్ధవటం మండలాలను రాజంపేట రెవెన్యూ డివిజన్‌లో కలపనున్నారు. 
» శ్రీసత్యసాయి జిల్లాలోని మడకశిరను కొత్త రెవెన్యూ డివిజన్‌గా ఏర్పాటు చేయనున్నారు.
» కదిరి డివిజన్‌లోని ఆమడగూరు మండలా­న్ని పుట్టపర్తి రెవెన్యూ డివిజన్‌లో విలీనం చేయనున్నారు. పుట్టపర్తి డివిజన్‌లో ఉన్న గోరంట్ల మండలాన్ని పెనుకొండ డివిజన్‌­లో కలపనున్నారు. 
» నంద్యాల జిల్లా డోన్‌ రెవెన్యూ డివిజన్‌లోని బనగానపల్లె, అవుకు, కోవెలకుంట్ల.. నంద్యాల డివిజన్‌లోని సంజామల, కొలిమి­గుండ్ల మండలాలతో కొత్తగా బనగానపల్లె రెవెన్యూ డివిజన్‌ ఏర్పాటు కానుంది.