రోడ్డు ప్రమాదంలో ముగ్గురు దుర్మరణం

ఉరవకొండ/వజ్రకరూరు: అనంతపురం జిల్లా ఉరవకొండ శివారులో గురువారం రాత్రి జరిగిన రోడ్డు ప్రమాదంలో ముగ్గురు దుర్మరణం పాల­య్యారు. పోలీసుల కథనం మేరకు.. వజ్రక­రూరుకి చెందిన కణేకల్లు జైనుల్లా(45), మహబూబ్‌­బాషా(32), భగవాన్‌ మహ్మద్‌­రఫీ(30)  ద్విచక్రవాహనంపై  ఉరవకొండకు కోర్టు కేసు నిమిత్తం గురువారం వచ్చారు. వాయిదా ముగించుకుని∙స్వగ్రామం బయలుదేరారు. 

ఉరవకొండ దాటగానే టీవీ టవర్‌ సమీపంలో గుర్తు తెలియని వాహనం వెనుక నుంచి వేగంగా వచ్చి ఢీకొట్టింది. ద్విచక్రవాహనాన్ని దాదాపు అర కిలోమీటరు మేర ఈడ్చుకుంటూ వెళ్లింది. దీంతో ముగ్గురూ అక్కడికక్కడే మృతిచెందారు. మృతదేహాలను ఉరవకొండ ప్రభుత్వాస్పత్రికి తరలించారు.