అగ్నివీర్‌ నియామకాలకు నమోదు ప్రక్రియ ప్రారంభం

సాక్షి, అమరావతి: ఆర్మీ విభాగంలో అగ్నివీర్‌ సిబ్బంది నియామకానికి 2025–26కు నమోదు ప్రక్రియ చేపట్టినట్టు గుంటూరు ఆర్మీ రిక్రూటింగ్‌ ఆఫీస్‌ డైరెక్టర్‌ కల్నల్‌ పునీత్‌ కుమార్‌ ఓ ప్రకటనలో తెలిపారు. ఆన్‌లైన్‌ ఉమ్మడి ప్రవేశ పరీక్ష (సీఈఈ)ను మొదటి­సారి తెలుగుతో సహా 13 భాషల్లో నిర్వహించనున్నట్టు పేర్కొన్నారు. అన్ని కేటగిరీల ఎన్‌సీసీ సర్టిఫికెట్‌ ఉన్నవారు, ప్రతిభావంతులైన క్రీడాకారులు, అగ్నివీర్‌ టెక్నికల్‌ కేటగిరీలో ఐటీఐ/డిప్లొమా అర్హత కలిగిన అభ్యర్థులకు అదనపు మార్కులు ఇవ్వనున్నట్టు తెలిపారు.

 గుంటూరు, కర్నూలు, శ్రీ పొట్టి శ్రీరాములు నెలూ­్లరు, అనంతపురం, వైఎస్సార్, ప్రకారం, చిత్తూరు, బాపట్ల, పల్నాడు, నంద్యాల, తిరుపతి, అన్నమయ్య, శ్రీ సత్యసాయి జిల్లాలకు చెందిన ఆసక్తిగల అభ్యర్థులతో అగ్నివీర్‌ జనరల్‌ డ్యూటీ, అగ్నివీర్‌ టెక్నికల్, అగ్నివీర్‌ కార్యాలయ సహాయకులు/స్టోర్‌ కీపర్‌ టెక్నికల్, అగ్నివీర్‌ వృత్తి నిపుణుల పోస్టులను భర్తీ చేయనున్నట్టు పేర్కొన్నారు. అభ్యర్థులు ఏప్రిల్‌ 10లోగా www.joinindianarmy. nic.in ద్వారా దరఖాస్తు చేసుకోవచ్చన్నారు.